Read საპატრიარქო ფსალმუნები 149 Bible Online

ფსალმუნები 149 - საპატრიარქო bible

ფსალმუნები 149

¹ადიდეთ უფალი. უგალობეთ უფალს გალობა ახალი, მისი დიდება წმიდათა კრებულში.

²ახარებდეს ისრაელი თავისი შემოქმედით, ძენი სიონისა ზეიმობდნენ თავიანთი მეფით.

³განადიდონ მისი სახელი ცეკვით, დაფით და ქნარით უგალობონ მას.

⁴რადგან ისურვებს უფალი თავის ხალხს, დაამშვენებს მორჩილებს შეწევნით.

⁵იმხიარულონ წმიდანებმა ღირსებით, იღაღადონ თავიანთ სარეცლებზე.

⁶ღმერთის განდიდება მათ ხორხში და მახვილი ორლესული მათ ხელში.

⁷რათა შური იძიონ წარმართებზე, დასაჯონ ერები.

⁸შეკრან მეფენი ბორკილებით და დიდებულნი მათნი - რკინის ხუნდებით.

⁹განუმზადონ მათ სამართალი დაწერილი, დიდებაა ის ყველა მისი წმიდანისათვის. ადიდეთ უფალი!