Read საპატრიარქო ფსალმუნები 25 Bible Online

ფსალმუნები 25 - საპატრიარქო bible

ფსალმუნები 25

¹დავითისა. განმსაჯე, უფალო, რადგან ვიდოდი ჩემი სიწრფელით, უფალზე ვიყავ მინდობილი და არ წავბორძიკდები.

²გამომცადე, უფალო, და შემამოწმე, ბრძმედში გამოატარე შიგნეულობა და გული ჩემი.

³რადგან თვალწინ მიდგას შენი წყალობა და მივყვებოდი შენს ჭეშმარიტებას.

⁴არ დავმეგობრებივარ სიცრუის მოყვარულთ და მზაკვრებთან არ მივალ.

⁵შევიძულე კრებული უკეთურთა და ბოროტთა გვერდით არ დავჯდები.

⁶ხელებს დავიბან უბიწოებით და გარს შემოვუვლი შენს სამსხვერპლოს, უფალო.

⁷რომ ვიღაღადო მადლობის ხმით და ყველა შენი საოცრება ვილაპარაკო.

⁸უფალო, შევიყვარე სავანე შენი სახლისა და. ადგილი - კარავი შენი დიდებისა.

⁹ნუ მოსპობ ჩემს სულს ცოდვილთა გვერდით და ჩემს სიცოცხლეს - სისხლისმსმელებთან.

¹⁰რომელთაც ხელთ აქვთ ბოროტება და მათი მარჯვენა სავსეა ქრთამით.

¹¹ხოლო მე ვივლი უბიწოებით; მიხსენი მე და შემიწყალე.

¹²სწორ გზაზე დგას ჩემი ფეხი; საკრებულოებში ვადიდებ უფალს.