Read საპატრიარქო ფსალმუნები 62 Bible Online

ფსალმუნები 62 - საპატრიარქო bible

ფსალმუნები 62

¹ფსალმუნი დავითისა. იუდას უდაბნოში ყოფნის დროს. ღმერთო! შენ ხარ ჩემი ღმერთი, ცისკრის ჟამიდან გეძებ, სწყურიხარ ჩემს სულს. შენზე ნაღვლობს ჩემი სული უკაცრიელ და გამოფიტულ, უწყლო მიწაზე.

²ასე გიხილე წმიდაში, რათა მენახა სიძლიერე და პატიოსნება შენი.

³რადგან სიცოცხლეზე მეტია შენი წყალობა, ჩემი ბაგენი გაქებენ შენ.

⁴ამიტომ გადიდებ ჩემი სიცოცხლის მანძილზე, შენი სახელით აღვაპყრობ ხელებს.

⁵ვითარცა ცხიმით და სიმსუქნით დამსუყდეს სული ჩემი.

⁶როცა გიხსენებ ჩემს სარეცელზე, მთელ ღამეებს ვიფიქრებ შენზე.

⁷რადგან იყავი დამხმარე ჩემი, შენს ჩრდილქვეშ მოვილხენ.

⁸შენ მოგტმასნია სული ჩემი; ჩემი საყრდენია მარჯვენა შენი.

⁹ხოლო ისინი, ვინც ჩემი სულის დაღუპვას ეძებენ, ქვესკნელში შთავლენ.

¹⁰მახვილის წერა გახდებიან, მელების კერძი შეიქმნებიან.

¹¹მეფე კი გაიხარებს, ღმერთის მიერ იქება ყველა, ვინც მას ფიცავს, რადგან დაიგმანება ტყუილის მოლაპარაკეთა პირი.