Read საპატრიარქო ფსალმუნები 75 Bible Online

ფსალმუნები 75 - საპატრიარქო bible

ფსალმუნები 75

¹გუნდის ლოტბარს. სიმებიან საკრავზე.ფსალმუნი ასაფისა. გალობა. ცნობილია იუდაში ღმერთი, ისრაელში დიდია მისი სახელი.

²და იყო იერუსალიმში. მისი კარავი და მისი სადგომი - სიონში.

³იქ დაიმსხვრა მშვილდ-ისრები, ფარი და ხმალი, და ომი. სელა.

⁴ბრწყინვალე და ძლიერი ხარ სანადირო მთებზე მეტად.

⁵გაცოფდნენ გულმაგრები, ჩათვლიმეს, დაეძინათ და ვერც ერთმა მოლაშქრემ ვეღარ ჰპოვა ხელები თვისი.

⁶შენი შემოტევით, ღმერთო იაკობისა, რული მოერია ეტლსაც და ცხენსაც.

⁷შენ საშიში ხარ და ვინ დაგიდგება წინ შენი განრისხების ჟამს?

⁸ციდან მოგვასმინე სამართალი; დედამიწა შეშინდა და მიწყნარდა;

⁹როცა აღდგა სამართლისათვის ღმერთი ქვეყნიერების ყველა ჩაგრულის გადასარჩენად. სელა.

¹⁰რაკი ადამიანის რისხვა იქცევა შენდა აღიარებად, ნაშთს რისხვისას მოთოკავ.

¹¹აღუთქვით და გადაუხადეთ უფალ ღმერთს; ყველამ - მის ირგვლივ მყოფმა, საჩუქარი მიუძღვნას საშიშს.

¹²ის დაამდაბლებს მბრძანებელთა სულს, შიშის ზარს დასცემს ამქვეყნიურ მეფეებს.