Read საპატრიარქო ფსალმუნები 97 Bible Online

ფსალმუნები 97 - საპატრიარქო bible

ფსალმუნები 97

¹ფსალმუნი. უგალობეთ უფალს ახალი გალობა, რადგან სასწაულები მოიმოქმედა; იხსნა იგი მისმა მარჯვენამ და მისმა წმიდა მკლავმა.

²განაცხადა უფალმა ხსნა მისმიერი, ხალხთა თვალწინ გადაშალა მისი სიმართლე.

³გაუხსენა წყალობა და ჭეშმარიტება თვისი ისრაელის ხალხს; ნახა დედამიწის ყველა კუთხემ შველა ჩვენი ღმერთისა.

⁴შეჰღაღადეთ უფალს, მთელო ქვეყნიერებავ! შემოსძახეთ და აქეთ და უგალობეთ.

⁵უგალობეთ უფალს ქნარით, ქნარით და საგალობლის ხმით.

⁶რქით და ბუკის ხმით შეჰღაღადეთ უფალს მეფის წინაშე.

⁷ახმაურდეს ზღვა და მისი სავსება, მსოფლიო და მისი მკვიდრნი.

⁸მდინარეებმა ტაში დაუკრან, მთებმა ერთად იმხიარულონ.

⁹უფლის წინაშე, რადგანაც მოვა ქვეყნიერების განსასჯელად; განიკითხავს მსოფლიოს სიმართლით და ხალხებს სისწორით.