Read საპატრიარქო რიცხვნი 33 Bible Online

რიცხვნი 33 - საპატრიარქო bible

რიცხვნი 33

¹აი, ისრაელიანთა მგზავრობანი, როცა გამოვიდნენ ისინი ეგვიპტიდან ლაშქარ-ლაშქარ მოსესა და აარონის წინამძღოლობით.

²აღწერა მოსემ უფლის ბრძანებით მათი გამოსვლა და მგზავრობანი. აი, მათი მგზავრობანი გამოსვლისას.

³რამზესიდან გაემგზავრნენ პირველი თვის მეთხუთმეტე დღეს; პასექის მეორე დღეს გავიდნენ ისრაელიანები გაბედულად მთელი ეგვიპტის თვალწინ.

⁴მარხავდნენ ეგვიპტელები პირმშოებს, რომლებიც დაუხოცა მათ უფალმა, და მათ ღმერთებსაც მიაგო სასჯელი უფალმა.

⁵გაემგზავრნენ ისრაელიანები რამზესიდან და სუქოთში დაბანაკდნენ.

⁶გაემგზავრნენ სუქოთიდან და დაბანაკდნენ ეთამში რომელიც უდაბნოს კიდეზე მდებარეობს.

⁷გაემგზავრნენ ეთამიდან და გაემართნენ ფი-ჰახიროთისკენ, რომელიც ბაალ-ცაფონის ზემოთ მდებარეობს, და მიგდოლის წინ დაბანაკდნენ.

⁸გაემგზავრნენ ფნე-ჰახიროთიდან, შუა გადაჭრეს ზღვა უდაბნოს მიმართულებით, გაიარეს სამი დღის სავალი გზა ეთამის უდაბნოში და მარაში დაბანაკდნენ.

⁹გაემგზავრნენ მარადან და ელიმში მივიდნენ; თორმეტი წყარო და სამოცდაათი ფინიკის ხე იყო ელიმში. იქ დაბანაკდნენ.

¹⁰გაემგზავრნენ ელიმიდან და მეწამულ ზღვასთან დაბანაკდნენ.

¹¹გაემგზავრნენ მეწამული ზღვიდან და სინის უდაბნოში დაბანაკდნენ.

¹²გაემგზავრნენ სინის უდაბნოდან და დოფკაში დაბანაკდნენ.

¹³გაემგზავრნენ დოფკიდან და ალუშში დაბანაკდნენ.

¹⁴გაემგზავრნენ ალუშიდან და რეფიდიმში დაბანაკდნენ. იქ არ იყო სასმელი წყალი ხალხისთვის.

¹⁵გაემგზავრნენ რეფიდიმიდან და სინაის უდაბნოში დაბანაკდნენ.

¹⁶გაემგზავრნენ სინაის უდაბნოდან და კიბროთ-ჰათაავაში დაბანაკდნენ.

¹⁷გაემგზავრნენ კიბროთ-ჰათაავადან და ხაცეროთში დაბანაკდნენ.

¹⁸გაემგზავრნენ ხაცეროთიდან და რითმაში დაბანაკდნენ.

¹⁹გაემგზავრნენ რითმადან და რიმონ-ფარეცში დაბანაკდნენ.

²⁰გაემგზავრნენ რიმონ-ფარეციდან და ლიბნაში დაბანაკდნენ.

²¹გაემგზავრნენ ლიბნადან და რისაში დაბანაკდნენ.

²²გაემგზავრნენ რისადან და კეჰელათაში დაბანაკდნენ.

²³გაემგზავრნენ კეჰელათიდან შაფერის მთაზე დაბანაკდნენ.

²⁴გაემგზავრნენ შაფერის მთიდან და ხარადაში დაბანაკდნენ.

²⁵გაემგზავრნენ ხარადიდან და მაკჰელოთში დაბანაკდნენ.

²⁶გაემგზავრნენ მაკჰელოთიდან და თახათში დაბანაკდნენ.

²⁷გაემგზავრნენ თახათიდან და თარახში დაბანაკდნენ.

²⁸გაემგზავრნენ თარახიდან და მითკაში დაბანაკდნენ.

²⁹გაემგზავრნენ მითკადან და ხაშმონაში დაბანაკდნენ.

³⁰გაემგზავრნენ ხაშმონიდან და მოსეროთში დაბანაკდნენ.

³¹გაემგზავრნენ მოსეროთიდან და ბნე-იაყაკანში დაბანაკდნენ.

³²გაემგზავრნენ ბნე-იაყაკანიდან და ხორ-გილგადში დაბანაკდნენ.

³³გაემგზავრნენ ხორ-გილგადიდან და იატბათაში დაბანაკდნენ.

³⁴გაემგზავრნენ იატბათიდან და აბრონაში დაბანაკდნენ.

³⁵გაემგზავრნენ აბრონიდან და ეციონ-გაბერში დაბანაკდნენ.

³⁶გაემგზავრნენ ეციონ-გაბერიდან და ცინის უდაბნოში დაბანაკდნენ. ეს კადეშია.

³⁷გაემგზავრნენ კადეშიდან და ჰორის მთაზე დაბანაკდნენ, ედომის ქვეყნის საზღვარზე.

³⁸ავიდა აარონ მღვდელი ჰორის მთაზე, უფლის ბრძანებისამებრ, და მოკვდა იქ ისრაელიანთა ეგვიპტიდან გამოსვლის მეორმოცე წელს, მეხუთე თვის პირველში.

³⁹ას ოცდასამი წლისა იყო აარონი, როცა მოკვდა იგი ჰორის მთაზე.

⁴⁰გაიგო ქანაანელმა ყარად მეფემ, რომელიც ქანაანის ქვეყნის სამხრეთში ცხოვრობდა, ისრაელიანთა მოსვლა.

⁴¹გაემგზავრნენ ჰორის მთიდან და ცალმონაში დაბანაკდნენ.

⁴²გაემგზავრნენ ცალმონიდან და ფუნონში დაბანაკდნენ.

⁴³გაემგზავრნენ ფუნონიდან და ობოთში დაბანაკდნენ.

⁴⁴გაემგზავრნენ ობოთიდან და იიმ-ყაბარიმში დაბანაკდნენ, მოაბის საზღვარზე.

⁴⁵გაემგზავრნენ იიმიდან და დიბონ-გადში დაბანაკდნენ.

⁴⁶გაემგზავრნენ დიბონ-გადიდან და ყალმონ-დიბლათაიმში დაბანაკდნენ.

⁴⁷გაემგზავრნენ ყალმონ-დიბლათაიმიდან და ყაბარიმის მთებზე დაბანაკდნენ, ნებოს წინ.

⁴⁸გაემგზავრნენ ყაბარიმის მთებიდან და მოაბის ველზე დაბანაკდნენ, იორდანეს პირას, იერიხონის მახლობლად.

⁴⁹დაბანაკდნენ იორდანეს პირას ბეთ-იეშიმოთიდან აბელ-შიტიმამდე, მოაბის ველზე.

⁵⁰ასე ელაპარაკა უფალი მოსეს მოაბის ველზე, იორდანეს ნაპირას, იერიხონის მახლობლად:

⁵¹ელაპარაკე ისრაელიანებს და უთხარი მათ: როცა გადახვალთ იორდანეს გაღმა, ქანაანის ქვეყანაში,

⁵²აჰყარეთ თქვენს წინაშე ქვეყნის მკვიდრნი, გაანადგურეთ ყველა მათი გამოსახულება და ყველა მათი ჩამოსხმული კერპი და მოუშალეთ ყველა გორაკი.

⁵³დაიმკვიდრეთ ქვეყანა და დასახლდით იქ, რადგან თქვენთვის მომიცია ეს ქვეყანა დასამკვიდრებლად.

⁵⁴დაუნაწილეთ წილისყრით ქვეყანა თქვენს გვარეულობებს: მრავალრიცხოვანს მეტი წილი მიეცით, მცირერიცხოვანს ნაკლები წილი მიეცით. ვისაც სად შეხვდება წილი, იქ დაიმკვიდროს. მამა-პაპის შტოთა მიხედვით დაინაწილეთ.

⁵⁵თუ არ აჰყრით ქვეყნის მკვიდრთ, იქ დარჩენილნი ეკლად ექცევიან თქვენს თვალებს და ნემსებად - თქვენს ფერდებს, შეგავიწროებენ იმ ქვეყანაში, სადაც იცხოვრებთ.

⁵⁶და რაც განმიზრახავს თქვენთვის გასაკეთებლად, გაგიკეთებთ.