Read ქართული ბიბლია, სრული ვერსია Genesis 36 Bible Online

Genesis 36 - ქართული ბიბლია, სრული ვერსია bible

Genesis 36

²ესავმა მოიყვანა ცოლები ქანაანის ასულთაგან: ყადა, ასული ხეთელი ელონისა, და ოჰოლიბამა, ასული ყანასი, ხიველი ციბეყონის ძისა;

³და ბასემათი, ისმაელის ასული, ნებაიოთის და.

⁴ყადამ უშვა ესავს ელიფაზი, ხოლო ბასემათმა შვა რეღუელი,

⁵და ოჰოლიბამამ შვა იეყუში, იაყლამი და კორახი. ესენი იყვნენ ესავის ძენი, რომელნიც მას შეეძინნენ ქანაანის ქვეყანაში.

⁶და აიყვანა ესავმა თავისი ცოლები და თავისი ძენი და ასულნი, და მთელი თავისი სახლეული, თავისი საქონელი და თავისი პირუტყვი, და მთელი თავისი ქონება, რომელიც შეიძინა ქანაანში, და წავიდა სხვა ქვეყანაში იაკობისგან, თავისი ძმისგან,

⁷რადგან დიდძალი დოვლათი ჰქონდათ და ვერ შეძლეს ერთად ცხოვრება. და ვერ დაიტია ისინი მათი ხიზნობის ქვეყანამ ჯოგების სიმრავლის გამო.

⁸და დასახლდა ესავი სეყირის მთაზე; ესავი იგივე ედომია.

⁹ეს არის ესავის, ედომელთა მამის მოდგმა, სეყირის მთაზე რომ მკვიდრობდნენ.

¹⁰ესავის ძეთა სახელები: ელიფაზი, ძე ყადასი, ესავის ცოლისა, რეღუელი, ძე ბასემათისა, ესავის ცოლისა,

¹¹და ელიფაზის შვილები იყვნენ: თემანი, ომარი, ცეფო, გაყთამი და კენაზი.

¹²და თიმნაყი იყო ხარჭა ელიფაზისა, ესავის ძისა, რომელმაც ელიფაზს უშვა ყამალეკი. ესენი იყვნენ ძენი ყადასი, ესავის ცოლისა.

¹³და ესენი იყვნენ რეღუელის ძენი: ნახათი, ზერახი, შამა და მიზა. ესენი შვა ბასემათმა, ესავის ცოლმა.

¹⁴ხოლო ესენი იყვნენ ძენი ოჰოლიბამასი, ესავის ცოლისა, ასულისა ყანასი, ძისა ციბეყონისა. და უშვა მან ესავს: იეყუში, იაყლამი და კორახი.

¹⁵და ესენი იყვნენ ესავის ძეთა თავკაცნი. ძენი ელიფაზისა, ესავის პირმშოსი: თავკაცი თემანი, თავკაცი ომარი, თავკაცი ცეფო, თავკაცი კენაზი,

¹⁶თავკაცი კორახი, თავკაცი გაყთამი, თავკაცი ყამალეკი. ესენი იყვნენ ელიფაზის თავკაცნი ედომის ქვეყანაში; ესენი იყვნენ ძენი ყადასი.

¹⁷და ესენი იყვნენ ძენი რეღუელისა, ესავის ძისა: თავკაცი ნახათი, თავკაცი ზერახი, თავკაცი შამა, თავკაცი მიზა. ესენი იყვნენ უხუცესნი რეღუელისა ედომის ქვეყანაში, რომლებიც იყვნენ ესავის ცოლის, ბასემათის ძენი.

¹⁸და ესენი იყვნენ ძენი ოჰოლიბამასი, ესავის ცოლისა: თავკაცი იეყუში, თავკაცი იაყლამი, თავკაცი კორახი, რომლებიც იყვნენ ძენი ოჰოლიბამასი, ყანას ასულისა, ესავის ცოლისა.

¹⁹და ესენი იყვნენ ესავის ანუ ედომის ძენი და მათი თემები.[42]

²⁰და ესენი იყვნენ ძენი ხორიელი სეყირისა, იმ ქვეყნის მკვიდრნი: ლოტანი, შობალი, ციბეყონი, ყანა,

²¹დიშონი, ეცერი და დიშანი. ესენი იყვნენ ხორიელი თავკაცნი ედომის ქვეყანაში, სეყირის ძენი.

²²ლოტანის ძენი იყვნენ ხორი და ჰემანი, ხოლო ლოტანის და იყო თიმნაყი.

²³ესენი იყვნენ შობალის ძენი: ყალვანი, მანახათი, ღებალი, შეფო და ონამი.

²⁴ესენი იყვნენ ციბეყონის ძენი: აია და ყანა, ის ყანა, რომელმაც თბილი წყაროები იპოვა უდაბნოში, როდესაც მწყემსავდა თავისი მამის, ციბეყონის სახედრებს.

²⁵ხოლო ყანას ძე იყო დიშონი და ოჰოლიბამა იყო ყანას ასული.

²⁶ესენი იყვნენ ძენი დიშონისა: ხემდანი, ეშბანი, ითრანი და ქერანი.

²⁷ესენი იყვნენ ეცერის ძენი: ბილჰანი, ზაყავანი და ყაკანი.

²⁸ესენი იყვნენ დიშანის ძენი: ყუცი და არანი.

²⁹ესენი იყვნენ ხორიელთა უხუცესები: თავკაცი ლოტანი, თავკაცი შობალი, თავკაცი ციბეყონი, თავკაცი ყანა,

³⁰თავკაცი დიშონი, თავკაცი ეცერი, თავკაცი დიშანი. ესენი იყვნენ ხორიელთა უხუცესები თავიანთი თავკაცებითურთ სეყირის ქვეყანაში.

³¹და ესენი იყვნენ მეფენი, რომელნიც მეფობდნენ ედომის ქვეყანაში, ვიდრე ისრაელიანებს მეფე ეყოლებოდათ:

³²მეფობდა ედომში ბელაყი, ძე ბეყორისა. და მის ქალაქს დინჰაბა ერქვა.

³³და მოკვდა ბელაყი, და მის ნაცვლად გამეფდა იობაბი, ძე ზერახისა, ბოცრადან.

³⁴და მოკვდა იობაბი. და მის ნაცვლად გამეფდა ხუშამი, თემანელთა ქვეყნიდან.

³⁵და მოკვდა ხუშამი, მის ნაცვლად გამეფდა ჰადადი, ძე ბედადისა, მძლეველი მიდიანისა მოაბის ველზე. მისი ქალაქის სახელი იყო ყავითი.

³⁶და მოკვდა ჰადადი, და მის ნაცვლად გამეფდა სამლა, მასრეკადან.

³⁷და მოკვდა სამლა, და მის ნაცვლად გამეფდა შაული, მდინარისპირა რეხობოთიდან.

³⁸და მოკვდა შაული, და მის ნაცვლად გამეფდა ბაყალ-ხანანი, ძე ყაქბორისა.

³⁹და მოკვდა ბაყალ-ხანანი, ძე ყაქბორისა, და მის ნაცვლად გამეფდა ჰადარი, და მისი ქალაქის სახელი იყო ფაყუ, ხოლო სახელი მისი ცოლისა მეჰეტაბელი, ასული მატრედისა, ასულისა მე-ზაჰაბისა.

⁴⁰და ესაა ესავის თავკაცების სახელები მათი საგვარეულოთა, მათი ადგილების და სახელების მიხედვით: თავკაცი თიმნაყი, თავკაცი ყალვა, თავკაცი იეთეთი;

⁴¹თავკაცი ოჰოლიბამა, თავკაცი ელა, თავკაცი ფინონი,

⁴²თავკაცი კენაზი, თავკაცი თემანი, თავკაცი მიბცარი,

⁴³თავკაცი მაგდიელი, თავკაცი ყირამი. ესენი იყვნენ თავკაცნი ედომისა მათ საცხოვრებელთა მიხედვით მათ საკუთარ ქვეყანაში. და ესავი არის ედომის მამამთავარი.