Read ქართული ბიბლია, სრული ვერსია 1 Chronicles 11 Bible Online

1 Chronicles 11 - ქართული ბიბლია, სრული ვერსია bible

1 Chronicles 11

¹შეიკრიბა მთელი ისრაელი დავითთან ხებრონში და უთხრეს: „აჰა, შენი სისხლი და ხორცი ვართ.

²გუშინაც და იმის უწინაც, როცა საული მეფობდა, შენ გამოგყავდა და შეგყავდა ისრაელი, უფალმა, შენმა ღმერთმა, გითხრა: შენ დამწყემსავო ჩემს ერს, ისრაელს, შენ იქნებიო ჩემი ერის, ისრაელის, მთავარი.“

³და მოვიდა ისრაელის მთელი უხუცესობა მეფესთან ხებრონში და შეკრა დავითმა მათთან კავშირი ხებრონში უფლის წინაშე, და სცხეს დავითს მეფედ ისრაელზე უფლის სიტყვისამებრ სამუელის ხელით.

⁴და გაილაშქრეს დავითმა და ისრაელიანთ იერუსალიმისკენ, ანუ იებუსისკენ. იქ იყვნენ იებუსელნი, იმ ქვეყნის მკვიდრნი.

⁵და უთხრეს იებუსის მკვიდრებმა დავითს: აქ ვერ შემოხვალო. მაგრამ აიღო დავითმა სიონის ციხესიმაგრე, რომელიც დავითის ქალაქია.

⁶და თქვა დავითმა: „ვინც პირველი შემუსრავს იებუსელთ, ის იქნება თავკაცი და მხედართმთავარი.“ ყველაზე უწინ ცერუიას ძე, იოაბი ავიდა და გახდა მთავარი.

⁷და დადგა დავითი იმ ციხესიმაგრეში. ამიტომ უწოდეს მას დავითის ქალაქი.

⁸მან შემოაშენა ქალაქი გარშემო — მილოდან შემოგარენამდე. იოაბმა კი დანარჩენი ქალაქი აღადგინა.

⁹და სულ მაღლა და მაღლა მიდიოდა დავითი და ცაბაოთ უფალი იყო მასთან.

¹⁰აჰა, დავითის მოყმეთა მთავარნი, რომელნიც მხარს უმაგრებდნენ მას მის სამეფოში, ისრაელთან ერთად, მის გასამეფებლად, უფლის სიტყვისამებრ.

¹¹აჰა, დავითის მოყმეთა რიცხვი: იაშობეყამ ხაქმონის ძე, ოცდაათეულის თავკაცი. მან თავისი შუბით ერთ ჯერზე 300 კაცი მოკლა;

¹²მას შემდეგ ელეაზარი, ძე დოდო ახოხელისა, ერთ-ერთი იმ სამ მოყმეთაგანი,

¹³რომლებიც დავითს ახლდნენ ფეს-დამიმში, სადაც ფილისტიმელნი საომრად შეიყარნენ. იყო იქ ნაქერალი. და როცა უკუიქცა ხალხი ფილისტიმელთაგან,

¹⁴ისინი ჩადგნენ შუა მინდორში, ებრძოდნენ ფილისტიმელთ, დაიცვეს მინდორი — დიდი გამარჯვება მოუტანა მათ უფალმა.

¹⁵30 თავკაციდან ეს სამნი ავიდნენ კლდეზე დავითთან, ყადულამის გამოქვაბულში. ხოლო ფილისტიმელთა ურდო რეფაიმის ველზე იყო დაბანაკებული.

¹⁶მაშინ დავითი საფარში იყო, ხოლო ფილისტიმელთა მეციხოვნე ბანაკი ბეთლემში იდგა.

¹⁷და მოსწყურდა დავითს და თქვა: „ვინ შემასმევს ბეთლემის ჭის წყალს, კარიბჭესთან რომ არის?“

¹⁸და გაარღვია ამ სამმა ფილისტიმელთა ბანაკი, და ამოიღეს წყალი ბეთლემის ჭიდან, კარიბჭესთან რომ არის, წამოიღეს და დავითს მიუტანეს. არ ინდომა დავითმა მისი შესმა და უფალს დაუღვარა.

¹⁹და თქვა: „შორს ჩემგან, ღმერთო, ასეთი საქმე! ნუმც შემესვას ამ ვაჟკაცთა სისხლი, თავის გასაწირად რომ წავიდნენ!“ და აღარ ინდომა დავითმა წყლის დალევა. ასე მოიქცა ეს სამი მოყმე.

²⁰აბიშაი, იოაბის ძმა, ამ ოცდაათში პირველი იყო. მან 300 კაცს შეერკინა თავისი შუბით და ერთიანად განგმირა. მას მეტი სახელი ჰქონდა ამ ოცდაათში,

²¹მათზე მეტად იყო პატივდებული და მათ მეთაურობდა, მაგრამ იმ სამს ვერ უტოლდებოდა.

²²ბენაია იეჰოიადაყის ძე მაგარი ვაჟკაცი იყო, დიდ საქმეთა მოქმედი, იგი კაბცეელიდან.[4] იყო. მან დაამარცხა ორი მოაბელი ლომკაცი; თოვლი რომ მოვიდა, იმ დღეს ორმოში ლომს ჩაუხტა და მოკლა.

²³მანვე მოკლა ეგვიპტელი კაცი, ხუთი წყრთის სიმაღლისა, რომელსაც საქსელავი ღერძის სისხო შუბი ეჭირა. ის კეტით მიუხტა ეგვიპტელს, ხელიდან გამოსტაცა შუბი და მისივე შუბით განგმირა.

²⁴ეს გააკეთა ბენაია იეჰოიადაყის ძემ და სახელი მოიხვეჭა ოცდაათ მოყმეს შორის.

²⁵ოცდაათისგან გამოირჩეოდა, მაგრამ იმ სამს ვერ უტოლდებოდა; დავითმა ის თავის მცველთა მეთაურად დანიშნა.

²⁶მებრძოლთა მეთაურები იყვნენ: ყასაელი, იოაბის ძმა, ელხანანი, ბეთლემელი დოდოს ძე,

²⁷შამოთ ჰარორელი, ხელეც ფელონელი,

²⁸ყირა, ყიკეშის ძე, თეკოაყელი, აბიყეზერ ყანათოთელი,

²⁹სიბექაი ხუშათელი, ყილაი ახოხელი,

³⁰მაჰარაი ნეტოფათელი, ხელედ ბაყანას ძე, ნეტოფათელი,

³¹ითაი, რიბაის ძე, ბენიამინის გიბყადან, ბენაია ფირყათონელი,

³²ხურაი გაყაშის ხევიდან, აბიელ ყარბათელი,

³³ყაზმავეთ ბახარუმელი, ელიახბა შაყალბონელი.

³⁴ჰაშემ გიზონელის ძენი; იონათან შაგეს ძე, ჰარარელი,

³⁵ახიამ საქარის ძე, ჰარარელი, ელიფალ ურის ძე,

³⁶ხეფერ მექერათელი, ახია ფელონელი,

³⁷ხეცრო ქარმელელი, ნაყარაი ეზბაის ძე,

³⁸იოელ, ნათანის ძმა, მიბხარ ჰაგრის ძე,

³⁹ცელეკ ყამონელი, ნახარაი ბეროთელი, იოაბ ცერუიას ძის საჭურველთმტვირთველი,

⁴⁰ყირა ითრელი, გარებ ითრელი,

⁴¹ურია ხეთელი, ზაბად ახლაის ძე,

⁴²ყადინა შიზას ძე, რეუბენელი, რეუბენის ძეთა თავკაცი, და 30 მასთან ერთად.

⁴³ხანან მაყაქას ძე, იოშაფატ მითნელი,

⁴⁴ყუზია ყაშთერათელი, შამაყი და იეყიელი — ხოთამის ძენი — ყაროყერელნი.

⁴⁵იედიყაელ შიმრის ძე, მისი ძმა იოხა, მისი ძმა თიციელი,

⁴⁶ელიელ მახაველი, იერიბაი, იოშავია — ელნაყამის ძენი — და ითმა მოაბელი.

⁴⁷ელიელი, ყობედი, იაყასიელ მეცობაელი.