Read ქართული ბიბლია, სრული ვერსია 1 Chronicles 7 Bible Online

1 Chronicles 7 - ქართული ბიბლია, სრული ვერსია bible

1 Chronicles 7

¹ისაქარის ძენი: თოლაყი, ფუვა, იაშუბი, შიმრონი — ოთხნი.

²თოლაყის ძენი: ყუზი, რეფაია, იერიელი, იახმაი, იბსამი, შემუელი — თოლაყის მამისსახლის თავკაცები, თავ-თავიანთი მოდგმის მაგარი ვაჟკაცები. დავითის დროს მათი რიცხვი 22600 იყო.

³ყუზის ძე იყო იზრახია. და იზრახიას ძენი იყვნენ: მიქაელი, ყობადია, იოელი, იშია — სულ ხუთი თავკაცი.

⁴თავ-თავიანთი მოდგმიდან და მამიისსახლიდან 36 ათასი მებრძოლი გამოჰყავდათ ომში, რადგან მათ ბევრი ცოლები და ძენი ჰყავდათ.

⁵მათი ძმები, ისაქარის ყველა საგვარეულოს მაგარი ვაჟკაცები, 87 ათასნი იყვნენ. ყველანი საგვარტომო ნუსხაში იყვნენ ჩაწერილნი.

⁶ბენიამინის ძენი იყვნენ: ბელაყი, ბექერი და იედიყაელი — სამნი.

⁷ბელაყის ძენი იყვნენ: ეცბონი, ყუზი, ყუზიელი, იერიმოთი, ყირი — ხუთნი, მამისსახლის თავკაცები. საგვარტომო ნუსხაში 22034 არის ჩაწერილი.

⁸ბექერის ძენი: ზემირა, იოყაში, ელიყეზერი, ელიოყენაი, ყომრი, იერემოთი, აბია, ყანათოთი და ყალამეთი. ყველა ესინი ბექერის ძენი არიან.

⁹საგვარტომო ნუსხაში ისინი თავ-თავიანთ მამისსახლთა თავკაცების მიხედვით არიან ჩაწერილნი — სულ 2200 ძლიერი მებრძოლი.

¹⁰იედიყაელის ძენი: ბილჰანი. ბილჰანის ძენი: იეყუში, ბენიამინი, ეჰუდი, ქენაყანა, ზეთანი, თარშიში და ახიშახარი.

¹¹ყველა ესენი იედიყაელის ძენი არიან, მამისსახლთა თავკაცები. მათგან 17200 მებრძოლი გამოდიოდა საომრად.

¹²შუფიმი და ხუფიმი ყირის ძენი იყვნენ, ხოლო ხუშიმი ახერის ძე იყო.

¹³ნაფთალის ძენი: იახციელი, გუნი, იეცერი და შალუმი ბილჰას შვილები იყვნენ.

¹⁴მანაშეს ძენი იყვნენ: ასრიელი, რომელიც მისმა არამელმა ხარჭამ უშვა; მასვე ეყოლა მაქირი — გალაადის მამა.

¹⁵მაქირმა ცოლები მოუყვანა ხუფიმს და შუფიმს. მათ დას მაყაქა ერქვა, ვაჟს — ცელოფხადი. ცელოფხადს ასულები ჰყავდა.

¹⁶მაყაქამ, მაქირის ცოლმა, ვაჟი გააჩინა და ფერეში დაარქვა. მის ძმას შერეში ერქვა. მისი ვაჟები იყვნენ: ულამი და რეკემი.

¹⁷ულამის ძე — ბედანი. აჰა, ძენი გალაადისა, მაქირის ძისა, მანაშეს ძისა.

¹⁸მისმა დამ, ჰამოლექეთმა, შვა იშჰოდი, აბიყეზერი და მახლა.

¹⁹შემიდაყის ძენი იყვნენ: ახიანი, შექემი, ლიკხი და ანიყამი.

²⁰ეფრემის ძენი იყვნენ: შუთელახი — მისი ძე იყო ბერედი, მისი ძე იყო თახათი, მისი ძე იყო ელყადა, მისი ძე იყო თახათი,

²¹მისი ძე იყო ზაბადი, მისი ძე იყო შუთელახი — და ყეზერი და ელყადი. ისინი გათელებმა ამოხოცეს, ამ ქვეყნის მკვიდრებმა, რადგან ისინი პირუტყვის წასართმევად დაესხნენ თავს.

²²დიდხანს გლოვობდა ეფრემი, მათი მამა და მის სანუგეშებლად მისი ძმები მოვიდნენ.

²³და შევიდა იგი თავის ცოლთან; დაორსულდა ის და ბიჭი შვა. მამამ მას სახელად ბერიყა დაარქვა, რადგან მის სახლში უბედურება მოხდა.

²⁴შეერა მისი ასული იყო, შეერამ ააშენა ზემო და ქვემო ბეთ-ხორონი და უზენ-შეერა.

²⁵მისი ძე იყო რეფახი, და აგრეთვე რეშეფი, მისი ძე იყო თელახი, მისი ძე იყო თახანი,

²⁶მისი ძე იყო ლაყდანი, მისი ძე იყო ყამიჰუდი, მისი ძე იყო ელიშამაყი,

²⁷მისი ძე იყო ნავე, მისი ძე იყო იესო.

²⁸მათი სამფლობელო და საცხოვრებელი იყო ბეთელი და მისი დაბა-სოფლები. აღმოსავლეთით ნაყარანი და დასავლეთით გეზერი თავისი დაბა-სოფლებით, შექემი თავისი დაბა-სოფლებით ყაიამდე და მის დაბა-სოფლებამდე.

²⁹მანაშეს ძეთა ხელში იყო: ბეთ-შეანი თავისი დაბა-სოფლებით, თაყანაქი თავისი დაბა-სოფლებით, მეგიდო თავისი დაბა-სოფლებით, დორი თავისი დაბა-სოფლებით. ამ ქალაქებში ცხოვრობდნენ იოსების, ისრაელის ძის, ძენი.

³⁰აშერის შვილები იყვნენ: იმნა, იშვა, იშვი, ბერიყა და მათი და სერახი.

³¹ბერიყას ძენი იყვნენ: ხებერი და მალქიელი, ბირზაითის მამა.

³²ხებერმა შვა იაფლეტი, შომერი, ხოთამი და მათი და შუაყა.

³³იაფლეტის ძენი იყვნენ: ფასაქი, ბიმჰალი და ყაშვათი; ესენი არიან იაფლეტის ძენი.

³⁴შემერის ძენი იყვნენ: ახი, როჰგა, იეხუბა და არამი.

³⁵მისი ძმის, ჰელემის ძენი იყვნენ: ცოფახი, იმნაყი, შელეში და ყამალი.

³⁶ცოფახის ძენი იყვნენ: სუახი, ხარნეფერი, შუყალი, ბერი და იმრა,

³⁷ბეცერი და ჰოდი, შამა და შილშა, ითრანი და ბეერა.

³⁸იეთერის ძენი იყვნენ: იეფუნე, ფისფა და არა.

³⁹ყულას ძენი იყვნენ: არახი, ხანიელი და რიცია.

⁴⁰ყველა ესენი აშერის ძენი არიან, მამისსახლთა თავკაცები, რჩეული და ძლიერი მებრძოლები, მთავართა თავკაცები. მათ საგვარტომო ნუსხაში რიცხვით 26 ათასი ომში მებრძოლი კაცია ჩაწერილი.