Read ქართული ბიბლია, სრული ვერსია Nehemiah 12 Bible Online

Nehemiah 12 - ქართული ბიბლია, სრული ვერსია bible

Nehemiah 12

¹ესენი იყვნენ მღვდლები და ლევიანები, რომელნიც ამოვიდნენ იერუსალიმს ზერუბაბელ შეალთიელის ძესთან და იესოსთან ერთად: სერაია, იერემია, ეზრა,

²ამარია, მალუქი, ხატუში,

³შექანია, რეხუმი, მერემოთი,

⁴ყიდო, გინეთოი, აბია,

⁵მიამინი, მაყადია, ბილგა,

⁶შემაყია, იოიარიბი, იედაყია,

⁷სალუ, ყამოკი, ხილკია, იედაყია — ესენი იყვნენ მღვდლების თავკაცები და მათი ძმები იესოს დღეებში.

⁸და ლევიანები: იესო, ბინუი, კადმიელი, შერებია, იუდა. მათანია თავის ძმებთან ერთად ხელმძღვანელობდა სამადლობელო საგალობლებს.

⁹და ბაკბუკია და ყუნი თავიანთი ძმებითურთ მოპირდაპირე მხარეს გუშაგობდნენ.

¹⁰და იესომ შვა იეჰოიაკიმი, და იეჰოიაკიმმა შვა ელიაშიბი, და ელიაშიბმა შვა იოიადაყი,

¹¹და იოიადაყმა შვა იონათანი და იონათანმა — იადუაყი.

¹²და იეჰოიაკიმის დღეებში მამისსახლთა თავკაცები იყვნენ მღვდლები: სერაიას სახლიდან მერაია, იერემიას სახლიდან — ხანანია,

¹³ეზრას სახლიდან — მეშულამი, ამარიასთან — იეჰოხანანი,

¹⁴მალუქის სახლიდან — იონათანი, შებანიას სახლიდან — იოსები.

¹⁵ხარიმის სახლიდან — ყადნა, მერაიოთის სახლიდან — ხელკაი.

¹⁶ყიდოს სახლიდან — ზაქარია, გინეთონის სახლიდან მეშულამი,

¹⁷აბიას სახლიდან — ზიქრი, მინიამინის სახლიდან და მოყადიას სახლიდან — ფილტაი,

¹⁸ბილგას სახლიდან — შამუაყი, შემაყიას სახლიდან იონათანი,

¹⁹იოიარიბის სახლიდან — მათენაი, იედაყიას სახლიდან — ყუზი,

²⁰სალაის სახლიდან — კალაი, ყამოკის სახლიდან — ებერი,

²¹ხილკიას სახლიდან — ხაშაბია, იედაყიას სახლიდან — ნეთანელი.

²²ლევიანები, მამისსახლთა თავკაცები ელიაშიბის, იოიადაყის, იოხანანის და იადუაყის დღეებში იქნენ ჩაწერილნი, ნუსხაში, ხოლო მღვდლები კი დარიოს სპარსელის მეფობისას.

²³ლევის ძენი, მამისსახლის თავკაცები, ჩაწერილნი იქნენ მატიანეთა წიგნში იოხანან ელიაშიბის ძის დღეებამდე.

²⁴და ლევიანთა თავკაცები: ხაშაბია, შერებია და იესო კადმიელის ძე და მათი ძმები, მათივე მოპირდაპირე მხარეს იყვნენ, რათა რიგ-რიგობით ექოთ და ედიდებინათ დავითის, ღვთისკაცის, ბრძანებისამებრ.

²⁵მათანია, ბაკბუკია, ყობადია, მეშულამი, ტალმონი, ყაკუბი — კარისმცველნი იყვნენ, და კარიბჭეთა ზღურბლებთან ყარაულობდნენ.

²⁶ესენი იყვნენ იეჰოიაკიმის იესოს ძის, იოცადაკის ძის დღეებში, და ნეემია განმგებლისა და ეზრა მღვდლისა და მწიგნობრის დღეებში.

²⁷და იერუსალიმის კედლის კურთხევისას დაძებნეს ლევიანები ყველგან მათ ადგილებში, რათა იერუსალიმში ამოეყვანათ, რომ ეზეიმათ კურთხევა სიხარულით, სამადლობელით, გალობითა და წინწილებით, ჩანგებითა და ქნარებით.

²⁸და შეიკრიბნენ მგალობელთა ძენი იერუსალიმის სანახებიდან და ნეტოფათის სოფლებიდან.

²⁹და ბეთ-გილგალიდან, გებაყისა და ყაზმავეთის ველ-მინდვრებიდან, რადგან მგალობლებს სოფლები ჰქონდათ გაშენებული იერუსალიმის სანახებში.

³⁰და განიწმიდნენ მღვდლები და ლევიანები, და განწმიდეს ხალხი და კარიბჭენი და კედელი.

³¹და ავიყვანე იუდას მთავარნი კედელზე, და დავაყენე ორი დიდი მადლისმწირველი გუნდი. ერთი მარჯვენა მხარეს, კედლის თავზე, გაუყვა გზას, სანაგვის კარიბჭისაკენ.

³²და მათ უკან მისდევდნენ ჰოშაყია და იუდას მთავართა ნახევარი,

³³და ყაზარია, ეზრა და მეშულამი,

³⁴იუდა, ბენიამინი, შემაყია და იერემია,

³⁵და მღვდლების ძეთაგან საყვირებით: ზაქარია იონათანის ძე, შემაყიას ძე, მათანიას ძე, მიქაიას ძე, ზაქურის ძე, ასაფის ძე.

³⁶და მისი ძმები: შემაყია, ყაზარელი, მილალაი, გილალაი, მაყაი, ნეთანელი, იუდა და ხანანი, ღვთისკაცის, დავითის, სამუსიკო საკრავებით; წინ ეზრა მწიგნობარი მიუძღვოდა.

³⁷წყაროსთვალის კარიბჭესთან, მათ მოპირდაპირე მხარეს ავიდნენ დავითის ქალაქის კიბეებზე, კედლის ასასვლელთან, დავითის სახლის ზემოდან წყლის კარიბჭემდე, აღმოსავლეთით.

³⁸მეორე მადლისმწირველი გუნდი მარცხენა მხარეს მიიკვლევდა გზას და მეც და ნახევარი ხალხი მას მივდევდით კედელზე — ღუმელთა გოდლიდან სქელ კედლამდე.

³⁹ეფრემის კარიბჭეზე, და ძველ კარიბჭეზე და თევზის კარიბჭეზე, და ხანანელის გოდოლზე, და ასეულის გოდოლზე გავლით ცხვრის კარიბჭემდე; და შედგნენ დილეგის კარიბჭესთან.

⁴⁰და დადგა ორივე მადლისმწირველი გუნდი ღვთის სახლში და მეც იქ დავდექი მოხელეთა ნახევრის თანხლებით.

⁴¹და იქ იყვნენ მღვდლები: ელიაკიმი, მაყასეია, მინიამინი, მიქაია, ელიოყენაი, ზაქარია, ხანანია თავიანთი საყვირებით;

⁴²და აგრეთვე მაყასეია, შემაყია, ელეაზარი, ყუზი, იეჰოხანანი, მალქია, ყელამი და ყეზერი; და მგალობლებმა დააგუგუნეს გალობა იეზრახიას ლოტბარობით.

⁴³და შესწირეს იმ დღეს დიდძალი მსხვერპლი. ხარობდნენ, რადგან ღმერთმა დიდი სიხარულით გაახარა ისინი; ხარობდნენ ქალები და ბავშვებიც. იერუსალიმის სიხარულის ხმა შორს გაისმოდა.

⁴⁴იმავ დღეს კაცები მიუჩინეს ოთახებს, განკუთვნილთ საკუჭნაოთათვის, პირველნაყოფთათვის, მეათედისათვის, რათა იქ დაეხვავებინათ ქალაქების ყანებიდან მოტანილი წილი, რომელიც რჯულით იყო დაწესებული მღვდლებისა და ლევიანებისათვის. რადგან ხარობდა იუდა, უყურებდა რა სამსახურად მდგომ მღვდლებსა და ლევიანებს,

⁴⁵რომლებიც ასრულებდნენ თავიანთი ღვთის სამსახურს და განწმედის სამსახურს. ასევე იქცეოდნენ მგალობლები და კარისმცველები დავითისა და მისი ძის, სოლომონის, მიერ დადგენილი წესის თანახმად.

⁴⁶რადგან ძველთაგან, დავითისა და ასაფის დღეებში იყვნენ განწესებულნი მგალობელთა ლოტბარნი და მაშინვე დაწესდა ღვთის საგალობლები.

⁴⁷და მთელი ისრაელი ზერუბაბელის დღეებში და ნეემიას დღეებში აძლევდა წილს დღითი დღე მგალობლებს და კარისმცველებს, ისინი წილს აძლევდნენ ლევიანებს, ლევიანები კი წილს აარონიანებს აძლევდნენ.