Read ქართული ბიბლია, სრული ვერსია Psalms 111 Bible Online

Psalms 111 - ქართული ბიბლია, სრული ვერსია bible

Psalms 111

¹ნეტარ არს კაცი, მოშიში უფლისა, მის მცნებათა ფრიად მოყვარული.

²მძლავრი იქნება ქვეყანაზე მისი შთამომავლობა; მართალის მოდგმა დაილოცება.

³სიუხვე და სიმდიდრეა მის სახლში, მისი სიმართლე მარადიულია.

⁴წრფელთ გამოუბრწყინებს სიბნელეში ნათელს, მოწყალე, შემბრალე და მართალი.

⁵კარგია კაცი მოწყალე და გამსესხებელი — სამართლიანად წარმართავს თავის საქმეებს;

⁶რადგან მართალი უკუნისამდე არ წაბორძიკდება; საუკუნო იქნება მისი სახსენებელი.

⁷ცუდი ამბავი არ შეაშინებს, მტკიცეა მისი გული, უფალზე მინდობილი.

⁸იმედიანია მისი გული; არ შეშინდება, ოდეს იხილავს თავის მტრებს.

⁹განაბნია, მისცა ღატაკთ; სიმართლე მისი მარადიულია, მისი რქა ამაღლებულია დიდებით.

¹⁰ბოროტი ნახავს და განრისხდება, კბილებს დააღრჭენს და დადნება; ბოროტთა საწადელი განადგურდება.