Read ქართული ბიბლია, სრული ვერსია Psalms 13 Bible Online

Psalms 13 - ქართული ბიბლია, სრული ვერსია bible

Psalms 13

¹ფსალმუნი. დავითისა. თქვა უგუნურმა თავის გულში: „არ არის ღმერთი.“ გაირყვნენ, სისაძაგლეს ჩადიან; არავინ არის სიკეთის მქმნელი.

²უფალმა ზეციდან გადმოხედა ადამიანთა შვილთ, რომ დაენახა, თუ არის ვინმე გონიერი, ღმერთს რომ ეძიებს,

³ყველამ უარყო, ერთიანად გაიხრწნა ყველა; არ არის მქმნელი სიკეთისა, ერთიც არ არის.

⁴ნუთუ ვერ შეუგნიათ უწესობის ჩამდენთ, ჩემი ხალხის პურივით მჭამელთ, უფალს რომ არ უხმობენ?

⁵იქ შეკრთებიან ისინი შიშით, სადაც არ არის შიში, რადგან ღმერთი მართალთა თაობაშია.

⁶თქვენ დასცინეთ საწყალის გეგმებს, მაგრამ უფალია მისი მფარველი.

⁷ოჰ, რომ მოვიდოდეს სიონიდან ხსნა ისრაელზე! როცა უფალი დააბრუნებს თავის ხალხს, მოილხენს იაკობი, გაიხარებს ისრაელი!