Read ქართული ბიბლია, სრული ვერსია Psalms 145 Bible Online

Psalms 145 - ქართული ბიბლია, სრული ვერსია bible

Psalms 145

¹ადიდეთ უფალი! ადიდე, სულო ჩემო, უფალი!

²ვადიდებ უფალს მთელი სიცოცხლე, ვუგალობებ ჩემს ღმერთს, ვიდრე ვარსებობ!

³ნუ დაამყარებთ იმედს მთავრებზე, ადამის ძეებზე, რომელთაც არ შეუძლიათ შველა,

⁴როდესაც ამოუვათ სული, დაუბრუნდებიან მიწას; იმ დღესვე განქარდება მისი გეგმები.

⁵ნეტარ არს, ვისი შემწეცაა ღმერთი იაკობისა, ვინც უფალზე, მის ღმერთზე ამყარებს იმედს,

⁶რომელმაც შექმნა ცა და მიწა, ზღვა და ყოველივე, რაც მასშია; რომელიც იცავს ერთგულებას უკუნისამდე;

⁷იქმს სამართალს ჩაგრულთათვის, აძლევს პურს მშივრებს, უფალი ათავისუფლებს ტყვეებს.

⁸უფალი თვალს უხელს ბრმებს, უფალი აღმართავს წელმოდრეკილებს, უფალს უყვარს მართალნი.

⁹უფალი იცავს ხიზნებს; ქვრივ-ობლებს ამხნევებს, ბოროტთა გზებს კი ანადგურებს.

¹⁰იმეფებს უფალი უკუნისამდე, ღმერთი შენი, სიონო, თაობიდან თაობამდე. ადიდეთ უფალი!