Read ქართული ბიბლია, სრული ვერსია Psalms 15 Bible Online

Psalms 15 - ქართული ბიბლია, სრული ვერსია bible

Psalms 15

¹ძეგლისწერა დავითისა. დამიფარე, უფალო ღმერთო, რადგან შენზე ვარ მონდობილი.

²ვუთხარი უფალს: შენ ხარ ჩემი უფალი! არ არის ჩემთვის სიკეთე შენს გარეშე!

³წმიდებთან, რომლებიც დედამიწაზე არიან და ძლიერებთან არის ყველა ჩემი სურვილი.

⁴დარდი გაუმრავლდეთ, ვინც უცხო კერპებისაკენ ისწრაფვის. მე არ ვასხურებ მათს სისხლიან შესასხურებელს და არც მოვიტან პირზე მათ სახელს.

⁵ჩემი მემკვიდრეობა და თასი უფალია; შენს ხელშია ჩემი ხვედრი.

⁶მამულები მშვენიერ ადგილებში მერგო, სამკვიდროც მოსაწონია ჩემთვის.

⁷ვაკურთხებ უფალს, რომელმაც დამარიგა; ღამ-ღამობით მწვრთნიან ჩემი გულისთქმანი.

⁸უფალი მუდამ ჩემს თვალწინაა; რადგან ჩემს მარჯვნივ არის, არ დავეცემი.

⁹ამიტომ ხარობს ჩემი გული და ილხენს ჩემი სული; ჩემი ხორციც მოისვენებს იმედიანად.

¹⁰რადგან შენ არ დაუტოვებ ჩემს სულს ჯოჯოხეთს, გასახრწნელად არ გაიმეტებ შენს წმიდას.

¹¹მასწავლე გზა ცხოვრებისა, სიხარულის სისავსეა შენი სახის წინაშე, ნეტარებაა შენს მარჯვენაში — უკუნისამდე!