Read ქართული ბიბლია, სრული ვერსია Psalms 23 Bible Online

Psalms 23 - ქართული ბიბლია, სრული ვერსია bible

Psalms 23

¹ფსალმუნი. დავითისა. უფლისა არის ქვეყნიერება და სავსება მისი, სამყარო და მისი მკვიდრნი.

²რადგან ზღვებზე დააფუძნა და მდინარეებზე მოაწყო იგი.

³ვინ ავა უფლის მთაზე? ან ვინ დადგება მის წმიდა ადგილზე?

⁴ვისაც ხელები სუფთა აქვს და გული სპეტაკი, ვინც მიუღწეველს არ წაპოტინებია და ყალბად არ დაუფიცავს,

⁵ის მიიღებს კურთხევას უფლისაგან და სიმართლის წყალობას მხსნელი ღმერთისაგან.

⁶ასეთია მის მაძიებელთა თაობა, ვინც ეძიებს შენი სახის ხილვას, ღმერთო იაკობისა!

⁷მაღლა ასწიეთ, კარიბჭენო, თქვენი თავები! და აიწიეთ, ბჭენო მარადნო! რომ შემოვიდეს მეფე დიდებისა.

⁸ვინ არის მეფე დიდებისა? უფალი — მტკიცე და ძლიერი, უფალი — ომში ძლევამოსილი.

⁹მაღლა ასწიეთ, კარიბჭენო, თქვენი თავები! და აიწიეთ, ბჭენო მარადნო! რომ შემოვიდეს მეფე დიდებისა.

¹⁰ვინ არის მეფე დიდებისა? უფალი ძალთა, ის არის მეფე დიდებისა.