Read ქართული ბიბლია, სრული ვერსია Psalms 25 Bible Online

Psalms 25 - ქართული ბიბლია, სრული ვერსია bible

Psalms 25

¹ფსალმუნი დავითისა. განმსაჯე, უფალო, რადგან სიწრფელით დავდივარ ჩემს გზაზე, უფალზე ვარ მინდობილი, არ წავბორძიკდები.

²გამომცადე, უფალო, და შემამოწმე, ბრძმედში გამოატარე შიგნეულობა და გული ჩემი.

³რადგან თვალწინ მიდგას შენი წყალობა და მივყვები შენს ჭეშმარიტებას.

⁴არ დავმეგობრებივარ სიცრუის მოყვარულთ და მზაკვრებთან არ მივალ.

⁵შევიძულე კრებული უკეთურთა და ბოროტთა გვერდით არ დავჯდები.

⁶ხელებს დავიბან უბიწოებით და გარს შემოვუვლი შენს სამსხვერპლოს, უფალო.

⁷რომ ვიღაღადო მადლიერებით და ვაუწყო ყველა შენი საოცრება.

⁸უფალო, მიყვარს მშვენება შენი სახლისა და ადგილი, სადაც დავანებულია შენი დიდება.

⁹ნუ მოსპობ ჩემს სულს ცოდვილთა გვერდით და ჩემს სიცოცხლეს სისხლისმსმელებთან,

¹⁰რომელთაც ხელთ აქვთ ბოროტება და მათი მარჯვენა სავსეა ქრთამით.

¹¹ხოლო მე ვივლი უბიწოებით; მიხსენ და შემიწყალე მე.

¹²სწორ გზაზე დგას ჩემი ფეხი; საკრებულოებში ვადიდებ უფალს.