Read ქართული ბიბლია, სრული ვერსია Psalms 26 Bible Online

Psalms 26 - ქართული ბიბლია, სრული ვერსია bible

Psalms 26

¹ფსალმუნი დავითისა. უფალი არის ჩემი სინათლე და ხსნა ჩემი: ვის შევუშინდე? უფალი ბურჯია ჩემი სიცოცხლისა: ვისგან შევძრწუნდე?

²თუ დამესხმიან თავს ბოროტნი ჩემს ჩასანთქმელად, მჩაგვრელნი ჩემნი და მტერნი ჩემნი, თვით წაბორძიკდებიან და დაეცემიან.

³ჯარმაც რომ დაიბანაკოს ჩემს წინააღმდეგ, არ შეშინდება ჩემი გული; თუ ომი ატყდა ჩემს წინააღმდეგ, მაინც იმედი მექნება.

⁴ერთსა ვთხოვ უფალს, ამას ვევედრები: რომ დავემკვიდრო უფლის სახლში მთელი სიცოცხლე, ვუმზერდე უფლის მშვენიერებას და მის ტაძარში დავდიოდე.

⁵რადგან შემიფარებს იგი თავის კარავში გაჭირვების ჟამს, დამიცავს თავისი კარვის საფარქვეშ, კლდეზე ამამაღლებს.

⁶ახლა კი მაღლა აღვმართავ თავს გარს შემოხვეული მტრების ზემოთ და შევწირავ მის კარავში ქების მსხვერპლს, ვუმღერებ და ვუგალობებ უფალს.

⁷ისმინე, უფალო, ჩემი ხმა, როცა მოგიხმობ, შემიწყალე და მიპასუხე!

⁸შენგან თქვა ჩემმა გულმა: ეძიეთ ჩემი სახე! შენს სახეს მოვძებნი, უფალო.

⁹ნუ დამალავ შენს სახეს ჩემგან, რისხვით ნუ უკუაგდებ შენს მორჩილს; ჩემი შემწე იყავი უწინ; ახლაც ნუ მკრავ ხელს და ნუ მიმატოვებ, ჩემი ხსნის ღმერთო!

¹⁰რადგან მიმატოვა ჩემმა დედ-მამამ; მაგრამ უფალი მიმიღებს მე.

¹¹მიწინამძღვრე, უფალო, შენს გზაზე და დამაყენე სწორ კვალზე ჩემი მტრების გამო.

¹²ნუ გადამცემ ჩემი მტრების სურვილისამებრ; რადგან აღდგნენ ჩემს წინააღმდეგ ცრუ მოწმენი და ბოროტებით სუნთქავენ.

¹³მწამს, რომ ვიხილავ უფლის სიკეთეს ცოცხალთა ქვეყანაში!

¹⁴მიენდე უფალს, გამხნევდი და გაიმაგრე გული, ელოდე უფალს!