Read ქართული ბიბლია, სრული ვერსია Psalms 3 Bible Online

Psalms 3 - ქართული ბიბლია, სრული ვერსია bible

Psalms 3

¹ფსალმუნი დავითისა. როცა გაურბოდა აბესალომს, თავის ძეს.

²უფალო! როგორ გამრავლდნენ ჩემი მტრები! მრავალნი აღდგნენ ჩემს წინააღმდეგ;

³მრავალია, ვინც ამბობს ჩემს შესახებ: „არ არის მისთვის შემწეობა ღმერთისაგან!“

⁴მაგრამ შენ, უფალო, ჩემი ფარი ხარ, დიდება ჩემი და ჩემი თავის ამმაღლებელი.

⁵ვღაღადებ უფალის მიმართ და ის მპასუხობს თავისი წმიდა მთიდან.

⁶ვწვები, ვიძინებ და ვიღვიძებ, რადგან უფალია ჩემი შემწე.

⁷ვერ შემაშინებს ხალხის სიმრავლე, გარს რომ მერტყმიან ყოველი მხრიდან.

⁸აღსდეგ, უფალო! მიხსენ, ღმერთო ჩემო! რადგან შენ ულეწავ ყბებს ყველა ჩემს მტერს, კბილებს უმუსრავ ბოროტებს.

⁹უფლისგან არის ხსნა; შენი კურთხევა იყოს შენს ერზე!