Read ქართული ბიბლია, სრული ვერსია Psalms 4 Bible Online

Psalms 4 - ქართული ბიბლია, სრული ვერსია bible

Psalms 4

¹გუნდის ლოტბარს. დავითის საგალობელი. ფსალმუნი.

²მიპასუხე, ოდეს მოგიხმობ, ჩემი სიმართლის ღმერთო! შენ მიბოძე გასაქანი შევიწროების ჟამს. შემიწყალე მე და ისმინე ჩემი ლოცვა!

³შვილნო კაცისა! როდემდე იქნება თქვენი გული დამძიმებული? როდემდე გეყვარებათ ამაოება და ეძიებთ სიყალბეს?

⁴უწყოდეთ, რომ უფალი იქმს სასწაულებს თავისი ერთგულისათვის, უფალი ისმენს, ოდეს მოვუხმობ მას.

⁵რისხვისას ნუ შესცოდავთ: განსაჯეთ გულში თქვენს სარეცლებზე და იყუჩეთ.

⁶შესწირეთ შესაწირავები სიმართლისა და მიენდეთ უფალს.

⁷მრავალნი ამბობენ: ნეტავ გამოგვიჩნდეს სიკეთე! გადმოგვაფინე შუქი შენი სახისა, უფალო!

⁸შენ უბოძე ჩემს გულს სიხარული უფრო მეტი, ვიდრე მათ აქვთ პურისა და მაჭრის სიუხვისას.

⁹მშვიდად დავწვები და დავიძინებ, რადგან შენ ერთადერთი, უფალო, მამყოფებ უშიშრად.