Read ქართული ბიბლია, სრული ვერსია Psalms 45 Bible Online

Psalms 45 - ქართული ბიბლია, სრული ვერსია bible

Psalms 45

¹გუნდის ლოტბარს. კორახის ძეთა. ყალამოთის ხმაზე. გალობა.

²ღმერთია ჩვენი მფარველი და ძალა, სწრაფი შემწე გასაჭირში.

³ამიტომ არ შეგვეშინდება, ქვეყნიერებაც რომ შეიცვალოს, მთები რომ იძრნენ ზღვათა შუაგულში.

⁴თუნდ იხმაურონ, იბობოქრონ მათმა წყლებმა. მთები ირყეოდნენ მათი მღელვარებისგან.

⁵არსებობს მდინარე, რომლის ნაკადებიც ახარებენ ღმერთის ქალაქს, წმიდა სადგომს უზენაესისას.

⁶ღმერთი მის შუაგულშია; ის არ შეიძვრის, განთიადზევე მოვა ღმერთი მის დასახმარებლად.

⁷ღრიალებენ ერები, ზანზარებენ სამეფონი; როდესაც ის ხმას გამოსცემს, ლღვება დედამიწა.

⁸ძალთა უფალი ჩვენთანაა; ჩვენი ბურჯია ღმერთი იაკობისა.

⁹მოდით, იხილეთ საქმენი უფლისანი, როგორ გააპარტახა დედამიწა.

¹⁰ის წყვეტს ომებს დედამიწის კიდემდე, მშვილდს მუსრავს და შუბს ამსხვრევს, ეტლებს ბუგავს ცეცხლით.

¹¹შეჩერდით და შეიცანით, რომ მე ვარ ღმერთი: ამაღლებული ერებს შორის, ამაღლებული ქვეყნიერებაზე.

¹²ძალთა უფალი ჩვენთან არის; ჩვენი ბურჯია ღმერთი იაკობისა.