Read ქართული ბიბლია, სრული ვერსია Psalms 56 Bible Online

Psalms 56 - ქართული ბიბლია, სრული ვერსია bible

Psalms 56

¹გუნდის ლოტბარს. ნუ მოსპობ. დავითის ძეგლისწერა, როცა საულს გაექცა მღვიმეში.

²შემიწყალე, ღმერთო, შემიწყალე, რადგან შენ მოგენდო ჩემი სული; შენი ფრთების ჩრდილქვეშ შევაფარებ თავს, ვიდრე გასაჭირი გადაივლიდეს.

³მოვუხმობ უზენაეს ღმერთს, ღმერთს, რომელიც თავის ნებას აღასრულებს ჩემზე.

⁴გამომიგზავნის ზეციდან ხსნას, შეარცხვენს ჩემი გათელვის მსურველს. გამომიგზავნის ღმერთი თავის წყალობას და ჭეშმარიტებას.

⁵ჩემი სული ლომების შუაგულშია, რომლებიც ხარბად შთანთქამენ ადამიანს, რომელთა კბილები მშვილდ-ისრებია, ენა კი ბასრი მახვილი.

⁶ამაღლდი ცათა ზემოთ, ღმერთო! მთელს დედამიწაზე იყოს შენი დიდება!

⁷ბადე გაამზადეს ჩემს ფერხთათვის; ჩემი სული მოიდრიკა; წინ ორმო გამითხარეს, მაგრამ თვით ჩაცვივდნენ შიგ.

⁸წრფელია ჩემი გული, ღმერთო, წრფელია ჩემი გული! გიმღერებ და გიგალობებ!

⁹გამოიღვიძე, დიდებავ ჩემო! გამოიღვიძე, ჩანგო და ქნარო! გამოვაღვიძებ ცისკარს!

¹⁰განგადიდებ ხალხებს შორის, უფალო, გიგალობებ ერებში.

¹¹რადგან ზეცამდეა შენი წყალობა, და ღრუბლებამდე — შენი ჭეშმარიტება.

¹²ამაღლდი ცათა ზემოთ, ღმერთო! მთელ დედამიწაზე იყოს შენი დიდება!