Read ქართული ბიბლია, სრული ვერსია Psalms 57 Bible Online

Psalms 57 - ქართული ბიბლია, სრული ვერსია bible

Psalms 57

¹გუნდის ლოტბარს. „ნუ მოსპობ,“ დავითის ძეგლისწერა.

²განა მართლა სიმართლეს ამბობთ, ღმერთებო? სისწორით სჯით ადამის ძეებს?

³არა, გულში უკუღმართობას თხზავთ, დედამიწაზე თქვენს ხელთა ძალმომრეობას დებთ სასწორზე.

⁴გადაუხვიეს ბოროტებმა დაბადებიდანვე; გზას ასცდნენ დედის მუცლიდანვე სიცრუის მქმნელნი.

⁵მათი გესლი მსგავსია გველის გესლისა, ყრუ ასპიტისა, ყურს რომ დაიხშობს,

⁶რომ არ ისმინოს ხმა შემლოცველთა, არც დაბრძენებულ მისანთ-მისნისა.

⁷ღმერთო, შენ შეუმუსრე კბილები პირში! ლომთა ეშვები მოთხარე, უფალო!

⁸დაე გაქრნენ, ვითარცა წყალი დაღვრილი; როდესაც ისრებს მოზიდავენ, იყოს გადამსხვრეულივით.

⁹ლოკოკინასავით დაუძლურდნენ, ქალის საშოდან მოწყვეტილივით ვერ იხილონ მზე.

¹⁰ვიდრე იგრძნობდნენ თქვენი ქვაბები აალებულ კვრინჩხს, უმიც და გამომცხვარიც ქარში წარიხვეტოს.

¹¹გაიხარებს მართალი, როცა იხილავს შურისგებას; ფეხებს დაიბანს ბოროტის სისხლში.

¹²იტყვიან კაცნი: აი, ნაყოფი მართლისა! ჭეშმარიტად არსებობს ღმერთი, განმსჯელი ქვეყნიერებისა!