Read ქართული ბიბლია, სრული ვერსია Psalms 6 Bible Online

Psalms 6 - ქართული ბიბლია, სრული ვერსია bible

Psalms 6

¹რვაძალიან საკრავზე. გუნდის ლოტბარს. ფსალმუნი დავითისა.

²უფალო! შენი გულისწყრომით ნუ მამხილებ, და შენი რისხვით ნუ დამსჯი მე.

³შემიწყალე, უფალო, რადგან უძლური ვარ; განმკურნე, უფალო, რადგან შეძრწუნდნენ ჩემი ძვლები.

⁴ჩემი სულიც შეძრწუნებულია; მაგრამ შენ, უფალო — როდემდე?

⁵შემობრუნდი, უფალო, იხსენ ჩემი სული, მიხსენ შენი წყალობისათვის.

⁶რადგან არ არის შენი ხსოვნა სიკვდილში; ვინ შეგასხამს შავეთში ქება-დიდებას?

⁷მოვიქანცე ჩემი ვაებით, ყოველღამ ვასველებ ჩემს ბალიშს, ცრემლებით ვალტობ ჩემს სარეცელს.

⁸დამეშრიტა წუხილით თვალნი, გადმომცვივდა მტრების სიმრავლისაგან.

⁹განმშორდით, უსამართლობის ყოველნო მომქმედნო! რადგან ისმინა უფალმა ჩემი გოდების ხმა.

¹⁰ისმინა უფალმა ჩემი ვედრება; უფალი შეიწყნარებს ჩემს ლოცვას.

¹¹გაწბილდება და შეძრწუნდება ყველა ჩემი მტერი; უკუიქცევიან უეცარი შერცხვენისაგან.