Read ქართული ბიბლია, სრული ვერსია Psalms 62 Bible Online

Psalms 62 - ქართული ბიბლია, სრული ვერსია bible

Psalms 62

¹ფსალმუნი დავითისა, იუდას უდაბნოში ყოფნის დროს.

²ღმერთო! შენ ხარ ჩემი ღმერთი; შენ დაგეძებ, შენ სწყურიხარ ჩემს სულს, შენსკენ მოილტვის ჩემი სხეული, როგორც უკაცრიელ და გამოფიტულ, უწყლო მიწაზე;

³ასე გიხილე სიწმიდეში; ვიხილე შენი ძალა და დიდება შენი.

⁴რადგან სიცოცხლეზე მეტია შენი წყალობა, ჩემი ბაგენი გაქებენ შენ.

⁵ამიტომ გადიდებ მთელი სიცოცხლე, შენი სახელით აღვაპყრობ ხელებს.

⁶ქონითა და სიმსუქნით დამსუყდა სული ჩემი; აღფრთოვანებული ბაგეებით გაქებს პირი ჩემი, —

⁷როცა გიხსენებ ჩემს სარეცელზე, და მთელ ღამეებს ვფიქრობ შენზე;

⁸რადგან შენ იყავ დამხმარე ჩემი, შენს ფრთათა ჩრდილქვეშ ლხენით გიმღერი.

⁹შენ მოგტმასნია სული ჩემი; შენი მარჯვენაა ჩემი საყრდენი.

¹⁰ხოლო ისინი, ვინც ჩემი სულის დაღუპვას ეძებენ, უფსკრულში ჩავლენ!

¹¹მახვილის წერა გახდებიან, ტურების კერძი შეიქნებიან!

¹²მეფე კი გაიხარებს ღმერთით; განდიდდება ყველა, ვინც მას იფიცებს; სიცრუის მთქმელთა პირი კი დაიგმანება.