Read ქართული ბიბლია, სრული ვერსია Psalms 74 Bible Online

Psalms 74 - ქართული ბიბლია, სრული ვერსია bible

Psalms 74

¹გუნდის ლოტბარს. „ნუ მოსპობ.“ ფსალმუნი ასაფისა. გალობა.

²გმადლობთ, ღმერთო, გადიდებთ შენ, რადგან ახლოსაა შენი სახელი, შენი საოცრებანი გვეუწყა ჩვენ.

³როცა მოვა შესაფერი დრო, გავასამართლებ სისწორით.

⁴როცა ირყევა დედამიწა ყველა მისი მცხოვრებით, მე ვამაგრებ მის სვეტებს.

⁵ვეუბნები ამპარტავნებს: ნუ იქადით! და ბოროტებს: ნუ აიმაღლებთ რქას!

⁶ნუ აღმართავთ თქვენს რქას, ნუ ილაპარაკებთ ამპარტავანი ქედით.

⁷რადგან არც აღმოსავლეთიდან და არც დასავლეთიდან და არც უდაბნოდან არის კაცის ამაღლება.

⁸არამედ ღმერთია მსაჯული, რომელიც ერთს დაამდაბლებს და მეორეს აღამაღლებს.

⁹რადგან უფლის ხელშია თასი, რომელშიც დუღს ღვინო, ნარევით სავსე, ის ასხამს იქიდან, და ყოველნი ბოროტნი ამა ქვეყნისა შესვამენ მას და გამოსცლიან.

¹⁰ხოლო მე მარადის ვაუწყებ, ვუგალობებ დიდებას იაკობის ღმერთს.

¹¹ბოროტთა რქები ერთიანად შეიმუსრება, მართალთა რქები კი ამაღლდება!