Read ქართული ბიბლია, სრული ვერსია Psalms 75 Bible Online

Psalms 75 - ქართული ბიბლია, სრული ვერსია bible

Psalms 75

¹გუნდის ლოტბარს. სიმებიან საკრავზე. ფსალმუნი ასაფისა. გალობა.

²ცნობილია იუდაში ღმერთი, დიდია ისრაელში მისი სახელი.

³სალემშია მისი კარავი, ხოლო მისი სავანე სიონშია.

⁴იქ შემუსრა მან მშვილდის ისრები, ფარი და ხმალი, და ომი.

⁵დიდებული ხარ შენ, და უფრო ბრწყინვალე, ვიდრე მთები სალოცავი.

⁶გულმაგრები გაძარცვეს; ჩათვლიმეს, ჩაეძინათ, მეომრებს ხელებმა უმტყუნეს.

⁷შენი შემოტევით, ღმერთო იაკობისა, რული მოერია ცხენსაც და მხედარსაც.

⁸საშიში ხარ შენ! ვინ შეძლებს დადგეს შენს წინაშე განრისხების ჟამს?

⁹ზეციდან შეგვასმინე შენ სამართალი; დედამიწა შეშინდა და მიწყნარდა,

¹⁰როდესაც აღსდგა ღმერთი განსჯისათვის, ქვეყნიერების ყველა ჩაგრულის დასახსნელად.

¹¹ადამიანის რისხვა გადაიქცევა მადლიერებად, ხოლო რისხვის ნატამალს შენ მოთოკავ.

¹²აღუთქვით და აღუსრულეთ აღთქმანი უფალს, თქვენს ღმერთს, მის ირგვლივ ყველამ ძღვენი მიართვას საშიშს,

¹³ის ამდაბლებს მთავრებს, შიშის ზარს სცემს მეფეებს ამა ქვეყნისა.