Read ქართული ბიბლია, სრული ვერსია Psalms 8 Bible Online

Psalms 8 - ქართული ბიბლია, სრული ვერსია bible

Psalms 8

¹გუნდის ლოტბარს. გითითის ხმაზე. ფსალმუნი დავითისა.

²უფალო, ჩვენო მბრძანებელო! რაოდენ დიდია შენი სახელი მთელს ქვეყანაზე! შენი დიდება იგალობება ცათა ზემოთ

³ჩვილთა და ძუძმწოვართა ბაგეებიდანაც კი. შენ განამტკიცე ციხე-ბურჯი შენი მტრების წინააღმდეგ, რათა დაადუმო შენი მტერი და მეამბოხე.

⁴როს ვუმზერ შენს ზეცას — შენს თითთა ქმნილებას, მთვარესა და ვარსკვლავებს, რომლებიც დააფუძნე —

⁵რა არის კაცი, რომ გახსოვს იგი? ან ძე ადამისა, რომ ზრუნავ მასზე?

⁶დიდად არ დაგიმცირებია იგი ანგელოზებზე; დიდება და ღირსება დაადგი გვირგვინად.

⁷გააბატონე შენი ხელის ქმნილებებზე; ყოველივე დაუმორჩილე მას —

⁸ყველა პირუტყვი — წვრილფეხა და მსხვილფეხა, და ასევე ნადირი ველისა,

⁹ფრინველი ცისა და თევზი ზღვისა, წყლის ბილიკებით რომ მოძრაობენ.

¹⁰უფალო, ჩვენო მბრძანებელო, რაოდენ დიდია შენი სახელი მთელს ქვეყანაზე!