Read ქართული ბიბლია, სრული ვერსია Psalms 96 Bible Online

Psalms 96 - ქართული ბიბლია, სრული ვერსია bible

Psalms 96

¹უფალი მეფობს; იხაროს ქვეყნიერებამ, ილხინოს მრავალმა კუნძულმა!

²ღრუბელი და ნისლია მის ირგვლივ, სიმართლესა და სამართალზე არის დაფუძნებული მისი ტახტი.

³ცეცხლი დადის მის წინაშე, სწვავს მის მტრებს ყოველი მხრიდან.

⁴მისი ელვანი ანათებენ სამყაროს; ხედავს ქვეყანა და ძრწის.

⁵მთები ცვილივით დნებიან უფლის წინაშე, მთელი ქვეყნიერების უფლის წინაშე.

⁶ცანი ღაღადებენ მის სიმართლეს, ყველა ხალხებმა იხილეს დიდება მისი.

⁷შერცხვენილია ქანდაკების ყველა მსახური, ყველა, ვინც ფუჭი კერპებით იქადის; ყველა ღმერთი მუხლს იდრეკს მის წინაშე.

⁸ესმის სიონს და უხარია, და ილხენენ იუდას ასულნი, შენ სამართალთა გამო, უფალო!

⁹რადგან შენ, უფალო, უზენაესი ხარ მთელ ქვეყანაზე, მეტისმეტად აღზევებული ყველა ღმერთებზე.

¹⁰უფლის მოყვარულნო, შეიძულეთ ბოროტება! ის იცავს მის წმიდათა სიცოცხლეს, ბოროტთა ხელიდან იხსნის მათ.

¹¹ნათელი იღვრება მართალთათვის და გულწრფელთათვის — მხიარულება.

¹²იხარეთ, მართალნო, უფლით, მადლი შესწირეთ მის წმიდა სახელს!