Read ქართული ბიბლია, სრული ვერსია Psalms 98 Bible Online

Psalms 98 - ქართული ბიბლია, სრული ვერსია bible

Psalms 98

¹უფალი მეფობს; შეძრწუნდნენ ხალხები! ქერუბიმებზეა ამხედრებული, შეიძრეს ქვეყანა.

²დიდია უფალი სიონში, მაღალია ყველა ხალხებზე.

³აქონ შენი სახელი, დიდი და საშიში — წმიდაა იგი!

⁴სიძლიერეს მეფისას უყვარს სამართალი. შენ დაამკვიდრე სისწორე; სამართალი და სიმართლე სრულჰქმენ იაკობში.

⁵აღამაღლეთ უფალი, ღმერთი ჩვენი, და თაყვანი ეცით მის ფერხთა საყრდენს! წმიდაა იგი!

⁶მოსე და აარონი იყვნენ მის მღვდელთა შორის და სამუელი მისი სახელის მხმობელთა შორის, ისინი უხმობდნენ უფალს და ის პასუხობდა მათ.

⁷ღრუბლის სვეტიდან ელაპარაკებოდა მათ; დაიცვეს მათ მისი მცნებანი და წესდება, მათთვის მიცემული.

⁸უფალო, ღმერთო ჩვენო! შენ პასუხობდი მათ; მიმტევებელი ღმერთი იყავი მათთვის, მაგრამ შურისმგებელი მათი შეცდომებისთვის.

⁹აღამაღლეთ უფალი, ღმერთი ჩვენი, და თაყვანი ეცით მის წმიდა მთას! რადგან წმიდაა უფალი, ღმერთი ჩვენი!