Read ქართული ბიბლია, სრული ვერსია Isaiah 15 Bible Online

Isaiah 15 - ქართული ბიბლია, სრული ვერსია bible

Isaiah 15

¹წინასწარმეტყველება მოაბზე. ერთ ღამეში გაძარცვული ყარ-მოაბი დადუმდა. ერთ ღამეში გაძარცვული კირ-მოაბი დადუმდა.

²მისი მცხოვრებნი ავიდნენ ტაძარში, დიბონის მცხოვრებნი ტირილით მივიდნენ საწმიდარში. ნებოსა და მედებზე მოთქვამენ მოაბელნი. თავები გადაპარსული აქვთ, წვერები — მოკვეცილი.

³ქუჩებში ჯვალოთი დადიან, მოსთქვამენ ბანებზე, ტირიან მოედნებზე, ცრემლად იღვრებიან.

⁴ხეშბონისა და ელყალეს ზარი იაჰაცამდე აღწევს. მოაბის მებრძოლნიც თრთიან, გული უშფოთავს მოაბს.

⁵გული მიკვნესის მოაბზე. მოაბის ლტოლვილნი ცოყარში მოვიდნენ, ყეგლათ-შელიშიაში. ტირილით ადიან ლუხითის აღმართზე, ხორონაიმის გზაზე მოთქმით ტირიან თავიანთ უბედურებაზე.

⁶ნიმრიმის წყლები დაშრა, ბალახი გაჭკნა, ჯეჯილი ჩალპა, სიმწვანე გაქრა.

⁷მოაბელთ გადააქვთ თავიანთი მონაგარი, თავიანთი სიმდიდრის ნარჩენები, გადადიან ძეწნათა ხევზე.

⁸მოაბელთა კივილი ქვეყნის საზღვრებამდე ისმის, ეგლაიმამდე აღწევს მისი გმინვა, ბეერ-ელიმამდე.

⁹დიმონის წყლები სისხლით გაივსო. მაგრამ მე ამას არ ვაკმარებ დიმონს: ლომებს მივუსევ გადარჩენილ მოაბელთ, მთელი ქვეყნის ნატამალს.