Read ქართული ბიბლია, სრული ვერსია Jeremiah 45 Bible Online

Jeremiah 45 - ქართული ბიბლია, სრული ვერსია bible

Jeremiah 45

¹სიტყვა, რომელიც უთხრა იერემიამ ბარუქს, ნერიას ძეს, როდესაც ის იერემიას პირით ნათქვამ ამ სიტყვებს სწერდა წიგნში იეჰოიაკიმ იოშიას ძის, იუდეის მეფის, მეფობის მეოთხე წელს:

²ასე გეუბნება უფალი, ისრაელის ღმერთი შენ, ბარუქ:

³შენ მოსთქვამ: ვაიმე, ვაიმე! უფალმა მწუხარება დართო ჩემს სატკივარს, მოვიქანცე ვაებით და სიმშვიდე ვერ მიპოვნია.

⁴ასე უთხარიო მას: ასე ამბობს-თქო უფალი: რაც მე ავაშენე, მევე დავანგრევ, და რაც მე დავნერგე, მევე ამოვძირკვავ, და ეს ასე იქნება მთელს ქვეყანაზე.

⁵შენ კი ბევრს მოითხოვ შენთვის. ნუ მოითხოვ, რადგან მე მოვაწევ უბედურებას ყოველ ხორციელზე, — ამბობს უფალი, — შენ კი შენს სულს მოგცემ ნადავლად ყველგან, სადაც კი წახვალ.