Read ქართული ბიბლია, სრული ვერსია Ezekiel 2 Bible Online

Ezekiel 2 - ქართული ბიბლია, სრული ვერსია bible

Ezekiel 2

¹და მან მითხრა: ადამის ძევ, დადექი ფეხზე, მინდა გელაპარაკო.

²როდესაც ის მელაპარაკებოდადა შემოვიდა ჩემში სული და ფეხზე წამომაყენა, და მე ვუსმენდი ჩემთან მოლაპარაკეს.

³და მითხრა: ადამის ძევ, მე გაგზავნი ისრაელიანებთან, მეამბოხე ხალხთან, რომლებიც ჩემს წინააღმდეგ აჯანყდნენ. ისინი და მათი მამები სცოდავდნენ ჩემს წინააღმდეგ თვით დღევანდელ დღემდე.

⁴ეს პირგამეხებული და გულგასასტიკებული ხალხია. მე გაგზავნი მათთან, რათა უთხრა: „ასე და ასე ამბობს უფალი ღმერთი.“

⁵და რომც არ მოგისმინონ, რაკი მეამბოხე სახლია, იმას მაინც მიხვდებიან, რომ წინასწარმეტყველი არის მათთან მისული.

⁶შენ კი, კაცის ძევ, ნუ შეგეშინდება მათი და მათი ლაპარაკისა, თუმცა ნარ-ეკლად მოგედებიან და მათ შორის ისე იქნები, თითქოს მორიელებზე იჯდე. მათი ლაპარაკის ნუ შეგეშინდება და მათი სახეები ნუ დაგაფრთხობს, რადგან მეამბოხე სახლია.

⁷და უთხარი მათ ჩემი სიტყვები, თუმცა ან მოგისმენენ, ან არა, რადგან მეამბოხენი არიან.

⁸შენ კი, ადამის ძევ, მოისმინე, რასაც მე გეტყვი: ნუ იქნები მეამბოხე, როგორც ეს მეამბოხე სახლია, გააღე პირი და ჭამე, რასაც მე მოგცემ.

⁹და მე ვიხილე ჩემსკენ გამოწვდილი ხელი, რომელსაც გრაგნილი ეჭირა.

¹⁰და მან გაშალა იგი ჩემს წინაშე. და ის გრაგნილი დაწერილი იყო წინიდან და უკნიდან; და ზედ ეწერა მოთქმა, ვაი და ვიში.