Read ქართული ბიბლია, სრული ვერსია Hosea 6 Bible Online

Hosea 6 - ქართული ბიბლია, სრული ვერსია bible

Hosea 6

¹წავიდეთ და მივიქცეთ უფლისაკენ, რადგან მან დაგვგლიჯა და თავადვე განგვკურნავს; მან დაგვჭრა და თავადვე დაგვადებს სალბუნს.

²ის გაგვაცოცხლებს ორი დღის შემდეგ, მესამე დღეს აღგვადგენს, და ჩვენ ვიცოცხლებთ მისი სახის წინაშე.

³მაშ შევიცნოთ, ვესწრაფოთ უფლის შეცნობას; აისივითაა მისი მოსვლა, წვიმასავით მოგვივა, გაზაფხულის წვიმასავით, მიწას რომ აჟიებს.

⁴რა გიყო, ეფრემ? რა გიყო იუდეა? თქვენი სიკეთე დილის ნისლივითაა, ცვარივითაა, მალე რომ ქრება.

⁵ამიტომაც ვცემდი მათ წინასწარმეტყველთა ხელით და ვხოცავდი ჩემს ბაგეთა სიტყვებით; და ჩემი მსჯავრი ნათელივით ამოვა.

⁶რადგან წყალობა მსურს და არა მსხვერპლი, უფლის ცოდნა და არა სრულადდასაწველი.

⁷მათ კი ადამის მსგავსად დაარღვიეს აღთქმა და იქ მიღალატეს მე.

⁸ბოროტმოქმედთა ქალაქია გალაადი, სისხლით დასვრილი.

⁹ყაჩაღებივით არიან ჩასაფრებულნი მღვდლები და ხოცავენ შექემის გზაზე; სიბილწეს სჩადიან.

¹⁰საშინელებას ვხედავ ისრაელის სახლში; იქ არის ეფრემის გარყვნილება, უწმიდურებს ისრაელი.

¹¹შენზეც მოაწევს მკის ჟამი, იუდეა, როცა ტყვეობიდან დავაბრუნებ ჩემს ერს!