Read ქართული ბიბლია, სრული ვერსია Numbers 2 Bible Online

Numbers 2 - ქართული ბიბლია, სრული ვერსია bible

Numbers 2

¹და ელაპარაკა უფალი მოსესა და აარონს, და უთხრა:

²ყოველმა ისრაელიანმა თავის დროშასთან, თავისი მამისსახლის ნიშნებთან დაიბანაკოს; საკრებულო კარვის ირგვლივ დაიბანაკონ მათ.

³წინა მხარეს, აღმოსავლეთით, დაბანაკდეს იუდას ლაშქარი. იუდეანთა თავკაცი — ნახშონი, ძე ყამინადაბისა.

⁴მასთან აღრიცხული მისი ლაშქარი 74 600 კაცი.

⁵მის მომდევნოდ ისაქარის ტომი. მისი თავკაცი — ნეთანელი, ძე ცუყარისა.

⁶მასთან აღრიცხული მისი ლაშქარი 54 400 კაცი.

⁷შემდეგ ზებულუნის ტომი. ზებულუნიანთა თავკაცი — ელიაბი, ძე ხელონისა.

⁸მასთან აღრიცხული მისი ლაშქარი 57 400 კაცი.

⁹იუდას ტომში აღრიცხული მთელი ლაშქარი 186 400 კაცი. ისინი პირველნი უნდა გაემგზავრნენ.

¹⁰სამხრეთით რეუბენის ბანაკის დროშა მათი ლაშქრებისდა მიხედვით. რეუბენიანთა თავკაცი — ელიცური, ძე შედეურისა.

¹¹მასთან აღრიცხული მისი ლაშქარი — 46 500 კაცი.

¹²მის მომდევნოდ სიმეონის ტომი. სიმეონის ძეთა თავკაცი — შელუმიელი, ძე ცურიშადაისა.

¹³მასთან აღრიცხული მისი ლაშქარი 59 300 კაცი.

¹⁴შემდეგ გადის ტომი. გადიანთა თავკაცი — ელიასაფი, ძე რეღუელისა.

¹⁵მასთან აღრიცხული მისი ლაშქარი 45 650 კაცი.

¹⁶რეუბენის ბანაკში აღრიცხული მთელი ლაშქარი — 151 450 კაცი მეორენი უნდა გაემგზავრნენ.

¹⁷როცა დაიძვრება საკრებულო კარავი, ლევიანთა ბანაკი ბანაკთა შუაში იყოს, როგორც არიან დაბანაკებულნი, ისევე გაემგზავრნენ, თითოეული თავის დროშასთან.

¹⁸დასავლეთით იყოს ეფრემის ლაშქარი თავისი რაზმებით. ეფრემიანთა თავკაცი — ელიშამაყი, ძე ყამიჰუდისა.

¹⁹მასთან აღრიცხული მისი ლაშქარი 40500 კაცი.

²⁰მომდევნოდ მანაშეს ტომი. მანაშეანთა თავკაცი — გამალიელი, ძე ფედაცურისა.

²¹მასთან აღრიცხული მისი ლაშქარი 32200 კაცი.

²²შემდეგ ბენიამინის ტომი. ბენიამინიანთა თავკაცი — აბიდანი, ძე გედეონისა.

²³მასთან აღრიცხული მისი ლაშქარი 35400 კაცი.

²⁴ყოველი აღრიცხული ეფრემის ბანაკში მთელი მათი ლაშქრით 108100 კაცი. ისინი მესამენი უნდა გაემგზავრნენ.

²⁵დანის ბანაკის ჩრდილოეთით იყოს დანის ლაშქარი. დანიანთა თავკაცი — ახიყეზერი, ძე ყამიშადაისა.

²⁶მასთან აღრიცხული მისი ლაშქარი 62700 კაცი.

²⁷მასთან დაიბანაკოს აშერის ტომმა. აშერიანთა თავკაცი — ფაგეყიელი, ძე ყოქრანისა.

²⁸მასთან აღრიცხული მისი ლაშქარი 41500 კაცი.

²⁹შემდეგ ნაფთალის ტომი. ნაფთალიანთა თავკაცი — ახირაყი, ძე ყენანისა,

³⁰მასთან აღრიცხული მისი ლაშქარი 53400 კაცი.

³¹ყოველი აღრიცხული დანის ბანაკში 157600 კაცი. ისინი უკანასკნელნი უნდა გაემგზავრნენ თავ-თავის ლაშქრებად.

³²ეს იყო ისრაელიანთა აღრიცხვა მათი მამისსახლების მიხედვით. ყოველი აღრიცხული ბანაკებში მათი ლაშქრებისდა მიხედვით იყო 603550.

³³ხოლო ლევიანები არ აღირიცხნენ ისრაელიანთა შორის, როგორც უბრძანა უფალმა მოსეს.

³⁴და გააკეთეს ისრაელიანებმა ყველაფერი ისე, როგორც უბრძანა უფალმა მოსეს. ასე დაიბანაკეს თავიანთი დროშების მიხედვით და ასე გაემგზავრა თითოეული თავისი ტომის მიხედვით, თავის მამისსახლის მიხედვით.