Read ქართული ბიბლია, სრული ვერსია Zechariah 5 Bible Online

Zechariah 5 - ქართული ბიბლია, სრული ვერსია bible

Zechariah 5

¹კვლავ ავახილე თვალი და ვიხილე: აჰა, მოფრიალებს გრაგნილი.

²მან მითხრა: „რას ხედავ?“ ვუთხარი მე: „აფრიალებულ გრაგნილს ვხედავ, სიგრძით 20 წყრთა არის, სიგანით — ათი წყრთა.“

³მან მითხრა: „ეს არის წყევლა, მთელს დედამიწაზე გადმომავალი, რადგან ყოველი მპარავი უნდა მოიკვეთოს, როგორც დაწერილია მის ერთ მხარეს, და ყოველი ცრუ მოფიცარი უნდა მოიკვეთოს, როგორც დაწერილია მის მეორე მხარეს.

⁴მე გამოვიხმე იგი, — ამბობს ცაბაოთ უფალი, — და მიადგება მპარავის სახლს და ჩემი სახელის ცრუდ მოფიცარის სახლს, დაიღამებს მის სახლში და მოსპობს მას, მის ქვასა და ხეს.“

⁵გამოვიდა ანგელოზი, რომელიც მე მელაპარაკებოდა, და მითხრა: „აახილე თვალი და დაინახე! რა არის ეს, რომ გამოდის?“

⁶მე ვკითხე: „რა არის?“ მითხრა: „ეს საწყაო[2] ჩანს, რომელიც გამოდის.“ და თქვა: „ეს არის მათი სახე მთელს ქვეყანაზე.“

⁷აჰა, ტყვიის ნაჭერი ამოიწია, და იქ ერთი ქალი იჯდა შუა საწყაოში.

⁸და თქვა მან: „ეს არის ურჯულოება.“ და მან ჩააგდო იგი საწყაოში და ტყვიის ნაჭერი დაახურა ზედ.

⁹და ავახილე თვალი და დავინახე: აჰა, გამოჩნდა ორი ქალი და ქარი შლიდა მათ ფრთებს, ფრთებად კი ყანჩის ფრთები ჰქონდათ. და ასწიეს მათ საწყაო ცასა და მიწას შუა.

¹⁰ვუთხარი ანგელოზს, რომელიც მე მელაპარაკებოდა: „სად მიაქვთ ეს ეფა?“

¹¹მაშინ მითხრა მან მე: „შინყარის ქვეყანაში, რომ სახლი აუშენონ, და როცა მზად იქნება, თავის საძირკველზე დაიდგმება იგი.“