Read ქართული ბიბლია, სრული ვერსია Joshua 16 Bible Online

Joshua 16 - ქართული ბიბლია, სრული ვერსია bible

Joshua 16

¹იოსების ძეთ წილისყრით ერგოთ სამკვიდრო, რომელიც იწყებოდა იორდანესთან — იერიხოს მდინარის (იერიხოს წყლების აღმოსავლეთით). იერიხოდან საზღვარი მიდიოდა უდაბნოზე გავლით, მთებში ბეთელისკენ.

²ბეთელიდან გადიოდა ლუზისკენ, შემდეგ მიემართებოდა არქელთა მხარეში, ყატაროთისკენ,

³შემდეგ მიდიოდა დასავლეთისკენ, ეშვებოდა იაფლეტელთა მხარისკენ, ქვემო ბეთ-ხორონის მიჯნამდე, გეზერისაკენ და ზღვამდე აღწევდა.

⁴იოსების მოდგმასაც — მანაშესა და ეფრემის შტოებს — გამოეყო სამკვიდრო.

⁵აი საზღვრები იმ მიწა-წყლისა, რომელიც ერგოთ ეფრემის ძეთა შთამომავლებს (ეფრემის საგვარეულოების მიხედვით). ყატაროთ-ადარიდან აღმოსავლეთით საზღვარი მიდიოდა ზემო ბეთ-ხორონისაკენ

⁶და აღწევდა ზღვას. ჩრდილოეთის საზღვარი — მიქმეთათი. აღმოსავლეთის საზღვარი უხვევდა თაანათ-შილოსაკენ, შემდეგ გადიოდა აღმოსავლეთით იანოახამდე,

⁷და იანოახიდან ეშვებოდა ყატაროთისა და ნაყარასაკენ, სწვდებოდა იერიხოს და ჩადიოდა იორდანემდე.

⁸თაფუახიდან საზღვარი მიიწევდა დასავლეთისკენ, ვადი კანასაკენ და ზღვამდე აღწევდა. ეს იყო სამკვიდრო ეფრემის ძეთა ტომისა მათი საგვარეულოების მიხედვით.

⁹ეფრემის ძეთათვის გამოყოფილი იყო ქალაქები მანაშეანთა შუა სამკვიდროში, ყველა ქალაქი თავისი სოფლებით,

¹⁰მაგრამ მათ არ განუდევნიათ გეზერიდან ქანაანელნი. და ცხოვრობენ ქანაანელნი ეფრემის წილ-ხვედრზე დღევანდლამდე, და მათი მოხარკენი არიან.