Read ქართული ბიბლია, სრული ვერსია Joshua 21 Bible Online

Joshua 21 - ქართული ბიბლია, სრული ვერსია bible

Joshua 21

¹და მივიდნენ ლევის ძეთა ტომის მთავარნი ელეაზარ მღვდელთან, იესო ნავეს ძესთან და ისრაელიანთა ტომების მამისსახლთა მთავრებთან,

²და უთხრეს მათ შილოში, ქანაანის ქვეყანაში, ასე: „უფალმა გვამცნო მოსესგან, რომ ჩვენ მოგვეცემოდა ქალაქები საცხოვრებლად და მათი საძოვრები ჩვენი პირუტყვისათვის.“

³და მისცეს ისრაელიანებმა ლევიანებს თავიანთი სამკვიდროდან უფლის ბრძანებით ეს ქალაქები და მათი საძოვრები.

⁴და ერგოთ წილი კოჰათიანთა საგვარეულოებს; და შეხვდათ აარონ მღვდლის ძეთ, ლევის ძეთ, იუდას ტომიდან, სიმეონის ტომიდან და ბენიამინის ტომიდან, სულ 13 ქალაქი.

⁵და კოჰათის დანარჩენ ძეთ ეფრემის ტომის საგვარეულოებიდან, დანის ტომიდან და მანაშეს ნახევარტომიდან წილისყრით ერგოთ ათი ქალაქი.

⁶და გერშონის ძეთ — ისაქარის ტომის საგვარეულოებიდან, და აშერის ტომიდან, და ნაფთალის ტომიდან, და მანაშეს ნახევარი ტომიდან ბაშანში წილისყრით — 13 ქალაქი.

⁷მერარის ძეთ ერგოთ მათი საგვარეულოების მიხედვით რეუბენის ტომიდან, გადის ტომიდან და ზებულუნის ტომიდან — 12 ქალაქი.

⁸და მისცეს წილისყრით ისრაელის ძეთ ლევიანებს ეს ქალაქები და მათი საძოვრები, როგორც ბრძანა უფალმა მოსეს პირით.

⁹ქვემოთ ჩამოთვლილია ქალაქები, რომლებიც გამოეყო ლევიანებს იუდასა და სიმეონის სამკვიდროთაგან;

¹⁰ეს ქალაქები მიეცათ აარონის შთამომავლებს, ლევიანებს კოჰათის საგვარეულოდან, რადგან პირველი წილი მათ ერგოთ.

¹¹მისცეს კირიათ-არბაყი, ყენაკის მამისეული, იგივე ხებრონი, მისი საძოვრებით მის ირგვლივ იუდას მთაში.

¹²და ამ ქალაქის გარემო მინდვრები და სოფლები მისცეს ქალებს, იეფუნეს ძეს.

¹³აარონ მღვდლის შთამომავლებმა მიიღეს ხებრონი (თავშესაფარი ქალაქი) მისი მიმდებარე საძოვრებიანად, და აგრეთვე ლიბნა მისი საძოვრებიანად,

¹⁴იათირი და მისი საძოვრები, ეშთემოაყი და მისი საძოვრები,

¹⁵ხოლონი და მისი საძოვრები, დებირი და მისი საძოვრები,

¹⁶ყაინი და მისი საძოვრები, იუტა და მისი საძოვრები და ბეთ-შემეში და მისი საძოვრები — ცხრა ქალაქი ამ ორი ტომის სამკვიდროდან.

¹⁷ამას გარდა, ბენიამინის ტომის სამკვიდროდან მათ გამოეყოთ: გიბეონი და მისი საძოვრები, გებაყი და მისი საძოვრები,

¹⁸ყანათოთი და მისი საძოვრები, ყალმონი და მისი საძოვრები — სულ ოთხი ქალაქი.

¹⁹აარონის მოდგმამ, მღვდლებმა, მთლიანად 13 ქალაქი მიიღო თავისი საძოვრებიანად.

²⁰კოჰათის საგვარეულოდან გამოსულმა ლევიანთა დანარჩენმა სახლებმა ეფრემის სამკვიდროდან წილისყრით მიიღეს ქალაქები:

²¹შექემი — თავშესაფარი ქალაქი და მისი საძოვრები ეფრემის მთაზე, ასევე გეზერი და მისი საძოვრები,

²²კიბცაიმი და მისი საძოვრები, ბეთ-ხორონი და მისი საძოვრები — სულ ოთხი ქალაქი.

²³ამას გარდა, დანის სამკვიდროდან: ელთეკე და მისი საძოვრები, გიბეთონი და მისი საძოვრები,

²⁴აიალონი და მისი საძოვრები, გათ-რიმონი და მისი საძოვრები — სულ ოთხი ქალაქი.

²⁵და მანაშეს ნახევარი ტომის სამკვიდროდან: თაყანაქი და მისი საძოვრები, გათ-რიმონი და მისი საძოვრები — ორი ქალაქი.

²⁶სულ ათი ქალაქი ერგოთ თავისი საძოვრებითურთ კოჰათის საგვარეულოს დანარჩენ კომლებს.

²⁷გერშონის საგვარეულოს ლევიანთა კომლებმა, მანაშეს ნახევარი ტომის სამკვიდროდან მიიღეს თავშესაფარი ქალაქი გოლანი ბაშანში და მისი მიმდებარე საძოვრები; მასთან ერთად ბეყეშთერა[5] და მისი საძოვრები — სულ ორი ქალაქი;

²⁸და ისაქარის სამკვიდროდან: კიშონი და მისი საძოვრები, დაბრათი და მისი საძოვრები,

²⁹იარმუთი და მისი საძოვრები, ყენ-განიმი და მისი საძოვრები — ოთხი ქალაქი.

³⁰და აშერის ტომიდან: მიშალი და მისი საძოვრები, ყაბდონი და მისი საძოვრები,

³¹ხელკათი და მისი საძოვრები, რეხობი და მისი საძოვრები — სულ ოთხი ქალაქი;

³²და ნაფთალის სამკვიდროდან თავშესაფარი ქალაქი კედეში გალილეაში და მისი საძოვრები, ხამოთ-დორი და მისი საძოვრები, კართანი და მისი საძოვრები — სულ სამი ქალაქი.

³³სულ 13 ქალაქი ერგოთ გერშონის საგვარეულოების მეკომურთ მათი საძოვრებიანად.

³⁴მერარის საგვარეულოს დანარჩენმა ლევიანთა კომლებმა ზებულუნის სამკვიდროდან მიიღეს: იოკნეყამი და მისი საძოვრები, კართა და მისი საძოვრები,

³⁵დიმნა და მისი საძოვრები, ნაჰალალი და მისი საძოვრები — სულ ოთხი ქალაქი.

³⁶ამას გარდა რეუბენის სამკვიდროდან მიიღეს: ბეცერი და მისი საძოვრები, იაჰცა და მისი საძოვრები,

³⁷კედემოთი და მისი საძოვრები, მეფაყათი და მისი საძოვრები — სულ ოთხი ქალაქი.

³⁸და გადის სამკვიდროდან: რამოთი (თავშესაფარი ქალაქი) გალაადში და მისი საძოვრები, აგრეთვე მახანაიმი,

³⁹ხეშბონი და იაყზერი მათი მიმდებარე საძოვრებიანად — სულ ოთხი ქალაქი.

⁴⁰მთლიანად ლევიანთა დანარჩენმა კომლებმა — მერარის საგვარეულოს კომლებმა — წილისყრით მიიღეს 12 ქალაქი.

⁴¹ლევიანებმა ისრაელიანთა სამფლობელოებში მიიღეს 48 ქალაქი, მათი საძოვრებითურთ.

⁴²ყველა ამ ქალაქთან ერთად ისინი ღებულობდნენ ქალაქის ირგვლივ მდებარე საძოვრებს.

⁴³და მისცა უფალმა ისრაელიანთ მთელი ქვეყანა, რომლის მიცემაც შეჰფიცა მათ მამებს, და დაიმკვიდრეს იგი და იქ დასახლდნენ.

⁴⁴და მისცა უფალმა მათ მშვიდობა ყოველი მხრიდან, როგორც შეჰფიცა მათ მამებს; და მათ მტერთაგან წინ ვეღარავინ აღუდგათ. ყველა მტერი ხელში ჩაუგდო მათ უფალმა.

⁴⁵არ გაცუდებულა არც ერთი სასიკეთო სიტყვა, რომელიც ისრაელის სახლს უთხრა უფალმა — ყველაფერი ახდა.