Read ქართული ბიბლია, სრული ვერსია Revelation 15 Bible Online

Revelation 15 - ქართული ბიბლია, სრული ვერსია bible

Revelation 15

¹და ვიხილე სხვა ნიშანი ცაში, დიდი და საკვირველი: შვიდი ანგელოზი შვიდი უკანასკნელი წყლულით, რომლებითაც თავდებოდა ღმერთის რისხვა.

²და ვიხილე მსგავსი შუშის ზღვისა, ცეცხლნარევი, და მძლეველნი მხეცისა, მისი ხატისა და მისი სახელის რიცხვისა, იდგნენ შუშის ზღვაზე და ეპყრათ ღმერთის ქნარები.

³და გალობდნენ ღვთისმსახური მოსეს გალობას და კრავის გალობას და ამბობდნენ: „დიდია და საკვირველი შენი საქმენი, უფალო ღმერთო, ყოვლისმპყრობელო! სამართლიანი და ჭეშმარიტია შენი გზები, ერთა მეუფეო!

⁴ვის არ შეეშინდება შენი, უფალო, და არ ადიდებს შენს სახელს? რადგან მხოლოდ შენა ხარ წმიდა. ყველა მოდგმა მოვა და თაყვანს გცემს შენ, რადგან გამოჩნდნენ შენი სამართალნი.“

⁵ამის შემდეგ ვიხილე: აჰა, გაიხსნა მოწმობის კარვის ტაძარი ზეცაში.

⁶და გამოვიდა ტაძრიდან შვიდი ანგელოზი, შვიდი წყლულის მქონე, წმიდა და ბრწყინვალე სელის სამოსით მოსილი, რომელთაც მკერდზე ოქროს სარტყლები ერტყათ.

⁷ოთხ ცხოველთაგან ერთმა მისცა შვიდ ანგელოზს ოქროს შვიდი ფიალა, უკუნითი უკუნისამდე ცოცხალი ღმერთის რისხვით ავსებული.

⁸და აივსო ტაძარი კვამლით, რომელიც გამოდიოდა ღმერთის დიდებისა და მისი ძალისაგან და ვერავინ შეძლო ტაძარში შესვლა, ვიდრე არ დასრულდა შვიდი ანგელოზის შვიდი წყლული.