Read kalabari Псалмс 131 Bible Online

Псалмс 131 - kalabari bible

Псалмс 131

¹Өөдлһнә дун. [1] О, Деед Эзн, Давидин тускар ухалтн, Терүнә даасн цуг күнд бәәдлин тускар ухалтн.

²О, Деед Эзн, терүнә келсиг ухалтн, Та, Яковин алдр Бурхн, Терүнә өгсн андһарин тускар ухалтн.

³[3-5] «Деед Эзнд гер, Яковин алдр Бурхнд Бәәр бәрх орм эс олҗ автлан, Би гертән оршгов, Би орндг деер һаршгов, Би бийән унтулшгов, Би нүдән чигн аньшгов», — гиҗ Давид келлә.

⁶Бидн Епратд [11] бәәхдән Бооцана хәәрцгин тускар соңславидн. Терүг Йара гидг һазрт олҗ авлавидн.

⁷— Терүнә бәәрн тал одий, Терүнә ширәд мөргий, — гиҗ бидн келвидн.

⁸О, Деед Эзн, сүмд иртн, Тенд мөңкинд үлдтн. Та болн бооцана хәәрцг — Тана күчнә темдг болҗана.

⁹Тана гелңгүд кезә чигн Зуг чик йовдл һарһтха. Тана чик седклтә улс байрлтха.

¹⁰Та Эврәннь зарц Давидин төлә Бийиннь шүүҗ авсн хааг бичә һазалтн.

¹¹Деед Эзн Давидт бат андһар өглә, Деед Эзн терүнәсн хаҗишго: «Чини көвүдәс негнь хан болх. Чини хөөн тер залх.

¹²Кемр чини хөөт үйнр Мини бооца хадһлхла, Мини дасхх заавр күцәхлә, Теднә көвүд чини ширәд мөңкинд суух».

¹³Деед Эзн Сиониг шүүҗ авла, Терүгәр бәәрән кех седкл тәвлә.

¹⁴«Эн Мини гер, Энүнд Би мөңкинд бәәрлхүв. Энд Би залхув, Энүнд би седклән тәвләв.

¹⁵Тер балһсиг би дуту угаһар теткхв, Терүнә түрү бәәх әмтиг өдмгәр цадхнав.

¹⁶Терүнә гелңгүдин кеҗәх тоотынь әдслнәв, Чик седклтә әмтн байр-бахмҗта бәәх.

¹⁷Давидин хөөт үйнрәс Сионд Күчтә хан һарҗ ирдгәр кенәв. Бийиннь шүүҗ авсн хааг Би шатҗах шам мет бәрхүв.

¹⁸Терүнә хортыг диилгддг кенәв, Терүнә заллт делгрлт авх».