Read kalabari Псалмс 135 Bible Online

Псалмс 135 - kalabari bible

Псалмс 135

¹Деед Эзн цаһан саната, Деед Эзнд ханлтан өргтн, Терүнә дурн мөңкинд бәәнә.

²Хамгин алдр Бурхнд ханлтан өргтн, Терүнә дурн мөңкинд бәәнә.

³Хамгин Күчтә Деед Эзнд ханлтан өргтн, Терүнә дурн мөңкинд бәәнә.

⁴Һанцарн өвәрц йовдл һарһҗах Терүнд ханлтан өргтн, Терүнә дурн мөңкинд бәәнә.

⁵Теңгриг ухатаһар үүдәсн Терүнд ханлтан өргтн, Терүнә дурн мөңкинд бәәнә.

⁶Усн деер һазр үүдәсн Терүнд ханлтан өргтн, Терүнә дурн мөңкинд бәәнә.

⁷Алдр сар, нар, одд үүдәсн Терүнд ханлтан өргтн, Терүнә дурн мөңкинд бәәнә.

⁸Нариг өдр залтха гиҗ үүдәлә, Терүнә дурн мөңкинд бәәнә.

⁹Сө залтха гиҗ сар болн одд үүдәлә, Терүнә дурн мөңкинд бәәнә.

¹⁰Египетин түрүңк үрдинь уга кесн Терүнд ханлтан өргтн. Терүнә дурн мөңкинд бәәнә.

¹¹Египетәс Израилин улс дахулҗ һарһсн Терүнд ханлтан өргтн. Терүнә дурн мөңкинд бәәнә.

¹²Тедниг чаңһ һарарн бәрҗ һарһла, Терүнә дурн мөңкинд бәәнә.

¹³Улан теңгс зааглсн Терүнд ханлтан өргтн, Терүнә дурн мөңкинд бәәнә.

¹⁴Теңгс дундаһур бүрү-бүтнәр Израилиг дахулҗ һарһла, Терүнә дурн мөңкинд бәәнә.

¹⁵Египетин хааг дәәчнртәһинь Улан теңгст уга келә, Терүнә дурн мөңкинд бәәнә.

¹⁶Бийиннь улсан көдә һазрар дахулҗ һарһсн Терүнд ханлтан өргтн. Терүнә дурн мөңкинд бәәнә.

¹⁷Күчтә хаадудыг ка цоксн Терүнд ханлтан өргтн, Терүнә дурн мөңкинд бәәнә.

¹⁸Чидлтә хаадудыг Тер уга келә, Терүнә дурн мөңкинд бәәнә.

¹⁹Аморрейин хан Сихониг диилв, Терүнә дурн мөңкинд бәәнә.

²⁰Башана хан Огаг диилв, Терүнә дурн мөңкинд бәәнә.

²¹Теднә һазриг зөөр кеҗ өгв, Терүнә дурн мөңкинд бәәнә.

²²Зөөр кеҗ Бийиннь зарц Израильд өгв, Терүнә дурн мөңкинд бәәнә.

²³Мадна тускар Тер аюлта цагт ухалв, Терүнә дурн мөңкинд бәәнә.

²⁴Тер мадниг хортнасмдн гетлгв, Терүнә дурн мөңкинд бәәнә.

²⁵Тер цуг әмтә юмнд хот өгнә, Терүнә дурн мөңкинд бәәнә.

²⁶Теңгрәс залҗах Бурхнд ханлтан өргтн, Терүнә дурн мөңкинд бәәнә.