Read kalabari Псалмс 137 Bible Online

Псалмс 137 - kalabari bible

Псалмс 137

¹Давидин псалм. [1] О, Деед Эзн, Таниг би седкләсн туурулҗанав, О, Деед Эзн, Танд би магталын дууһан талын бурхдын өмн дуулҗанав.

²Тана әрүн сүм тал чирәһән өгч мөргнәв, Тана нер туурулнав. Тана итклтә дуриг, Тана иткмҗиг би туурулнав. Та Эврәннь нерән өргвт, Та Эврәннь келсән хамгин деегшән өөдлүлвт.

³Та мини дуудснд хәрү өгвт, Та мини седклд урмд өгвт, Та намаг зөргтә кеввт.

⁴О, Деед Эзн, Таниг һазр деер цуг хаадуд туурулх, Юңгад гихлә, Тана келсиг тедн соңсв.

⁵Таниг тедн дуундан орулх, Тана кесн-күцәсн кергин тускар, Тана алдр туурмҗин тускар дуулцхах.

⁶О, Деед Эзн, өөдән утхта болв чигн, Та эгл әмтнд килмҗән өгнәт. Ик санатаһинь дорацулнат.

⁷Кемр намаг әәмшг ээрәд ирхлә, Мини җирһл Та харнат. Та намаг хортнанм уурас харснат, Та Эврәннь күчәрн намаг сулдхнат.

⁸О, Деед Эзн, келсән кевтнь мини төлә күцәхит. Тана итклтә дурн мөңк болҗана. Та Эврәннь һарарн үүдәсн тоотан бичә үлдәһит.