Read kalabari Псалмс 138 Bible Online

Псалмс 138 - kalabari bible

Псалмс 138

¹Көгҗмин һардачд. Давидин псалм. [1] О, Деед Эзн, Та намаг сөрҗ хәләввт. Тегәд мини тускар цугинь меднәт.

²Та намаг кезә суудгиг, кезә босдгиг меднәт, Та нам холас мини уха меднәт.

³Мини йовсиг, Мини амрсиг Та үзҗәнәт. Мини цуг кеҗәсн тоот Танд темдгтә.

⁴О, Деед Эзн, намаг келтл, Та терүг учр-утхарнь меднәт.

⁵Та намаг өмнәсм, ардасм эргҗ аввт, Та Эврәннь харслһна һаран нан деер бәрҗәнәт.

⁶О, Деед Эзн, Та намаг тедү дүңгә меднәт, Тертн мини медрләс даву.

⁷Танас зулад би альд одхв? Танас би альдаран гүүхв?

⁸Теңгрт һархла, Та тенд, Кемр би үкснә орнд орхла, Та бас тенд.

⁹Кемр би нарн һарх үзг тал ниссн болхла, Кемр би нарн суух теңгсин көвә күртл йовсн болхла,

¹⁰Та, Деед Эзн, намаг көтлхәр Нам тенд чигн бәәх биләт. Тегәд Тана күчтә барун һар намаг дөңнх билә.

¹¹Кемр би харңһу таңд бултхв гисн болхла, Эсклә эргндк герлм сөөд хүврҗәнә гисн болхла,

¹²Би нам харңһу таңд Танас бултҗ чадшгов. Танд сө өдрлә әдл герләр герлтнә, Танд харңһу герлтә хойр әдл.

¹³Та мини дотрким яслат, Та нанд экин геснд үүдснәс авн эрчм оруллат.

¹⁴О, Деед Эзн, Танд би ханлтан өргҗәнәв; Би өвәрцәр, медгддгоһар үүдәгдҗв. Тана цуг керг өвәрц, Та намаг күццднь меднәт.

¹⁵Намаг нуувчта ормд үүдәгдҗәхд, Тенд нәрнәр шаглгдҗахд Мини келкә ясн Танас далдлгдсн уга.

¹⁶Та намаг ургд бәәхд үзләт. Та намаг һартл кедү нас би наслхиг шинҗлләт.

¹⁷О, Бурхн, Та ямаран ик ухатат! Тана ухаг нанд медхд дегд күчр.

¹⁸Терүг би кемр тоолсн болхла, Тертн тооһарн элснәс даву болх билә. Терүг тоолхин төлә мөңк цаг керглгдх!

¹⁹О, Бурхн, Таниг килнцтә әмтиг алтха гиләв! О, Бурхн, махсг улсиг нанас холд көөтн.

²⁰Тана тускар тедн му келцхәнә. Тана хортн неритн бузрдаҗана.

²¹О, Деед Эзн, Танд дурго әмтнд Би дургой?! Тана өмнәс буцлт кеҗәх әмтиг Би һазалхий?!

²²Би теднд йир икәр дургов, Би тедниг эврәннь хортнд тоолнав.

²³О, Бурхн, намаг шинҗлтн, О, Бурхн, мини седкл медтн. Та намаг сөрәд хәләтн, Та мини ухаг медҗ автн.

²⁴Та намаг хәләтн: Би килнцтә әмтнә хаалһар йовҗ йовдг болвзав? Тан тал һарсн хаалһд намаг орултн.