Read kalabari Псалмс 141 Bible Online

Псалмс 141 - kalabari bible

Псалмс 141

¹Уулын көдәд бәәснә тускар [12] бичсн Давидин псалм. Зальврлһн. [1] Би Деед Эзиг чаңһар дуудув, Би Терүнәс дөң сурув.

²Терүнд би эврәннь һундлан келҗәнәв, Терүнд би эврәннь зовлңган келҗ өгнәв.

³Кемр би үрүдхлә, Та мини хаалһ харнат. Намаг альдаран одв чигн, Хортм нуувчар хавх тәвнә.

⁴Бийән эргәд хәләхлә, Нанд дөң болх дүңгә нег чигн күн уга. Нег чигн күн намаг үзҗәхш, Нанд хорһдх бәәрн уга, Нег чигн күн нанд килмҗән өгчәхш.

⁵О, Деед Эзн, би Таниг дуудҗанав. — Та мини хорһдх һазр болҗанат. Эн җирһлд кергтә тоотм Та болҗанат, — гиҗ би келхв.

⁶О, Деед Эзн, мини зальврлһ соңстн, Юңгад гихлә, би йир икәр зовҗанав. Намаг хортнасм сулдхтн, Юңгад гихлә, тедн нанас чидлтә.

⁷О, Деед Эзн, намаг седклин бәрәнәс һарһтн, Тиигхлә Бурхнд иткдг улс Таниг туурулхар нанла негдх. Та нанд цаһан санаһан күртәнәт.