Read kalabari Псалмс 35 Bible Online

Псалмс 35 - kalabari bible

Псалмс 35

¹Көгҗмин һардачд. Деед Эзнә зарц Давидин псалм. [1-2] Хар саната күүнә зүркиг килнц авлчкҗ. Терүнә санаһар Бурхнас әәх учр уга.

³Бурхн терүнә килнциг мел үзшго, Терүг засглшго гиҗ ухалҗана. Юнгад гихлә, тиим күн деегүр саната.

⁴Терүнә келсн үгнь хар саната болн хорта. Тер дәкҗ цаһан саната, ухата йовдл һарһҗахш.

⁵Нам орндан кевтв чигн, Йос эвдх седкл зүүнә. Бийнь тер килнцтә хаалһар йоввчн, Му йовдлас зулхш.

⁶О, Деед Эзн, Тана бат дурн теңгрт күрх. Тана иткмҗ үүлд һатлҗ деер йовна.

⁷Тана цаһан санан ик өндр уулмуд мет бат. Тана зарһ-зерг дала мет күчтә. Та, Деед Эзн, Олн улсиг, мал-аһурсиг теткнәт.

⁸О, Бурхн минь! Тана бат дурн ямаран ик үнтә. Тана җиврин сүүдрт цуг әмтн аврлт олна.

⁹Тана герин зөөрәс идәд, Тедн нәәрлҗәнә. Тана цаһан санана уурхан зөөрәс Тедн ундан хәрүлҗәнә.

¹⁰Та цуг җирһлин булг болҗанат. Тана герләр бидн цецн уха авчанавидн.

¹¹Танд дурта улст Эврәннь итклтә дуран Цааранднь өгчәтн. Үннч әмтнд делгү седклән өгтн.

¹²Деермч седклтә күүнә көл Намаг бичә ишктхә. Килнцтә күүнә һар Намаг бичә көндәтхә.

¹³Йос бурушасн әмтнә унсн, Алгдсн орминь хәләтн. Тедн дәкҗ босч чадшго.