Read kalabari Псалмс 51 Bible Online

Псалмс 51 - kalabari bible

Псалмс 51

¹Көгҗмин һардачд. Доик Идумеянин Саул тал одад, Ахимелехин герт Давид ирвә гиҗ келснә хөөн кесн Давидин ном [4]. [1-3] О, догшн залач, Хар сансндан юм бардмнҗахмбч? Бурхна итклтә дурн оньдинд.

⁴Чи алх-булх седклтә йовнач. Чини келн хурц утхла әдл. Чи мел худл юм һарһхар ухалнач.

⁵Чи сән сананас хар сананд икәр дурлнач, Чи үннәс худлд ик дуртач.

⁶О, билгтә худлч, Чи зүсн-зүүл му үгмүдт дуртач.

⁷Бурхн, маһд уга, Чамаг мөңкинд угарулх. Тер чамаг бәрҗ авад, герәсчнь салһх. Әмд улсин һазр деерәс Тер чамаг уңгарнь уга кех.

⁸Бурхнд иткдг әмтн чамаг үзн, әәмҗ өврцхәх. Тедн чамаг һәәхәд инәҗ келх:

⁹«Бийән харсх зөв Бурхнд эс өгсн күн эн бәәнә. Тегәд энтн эврәннь ик зөөрт нәәлҗәлә, Энтн му йовдл һарһлһндан батрҗала».

¹⁰Би болхла, Бурхна итклтә дурнд мөңкинд нәәләд, Көкрҗәх модн мет, Бурхна герт цецгәрҗәнәв.

¹¹О, Бурхн, Тана кесн-күцәсиг медҗ Би мөңкинд Тана нер туурулхв. Тана шүүҗ авсн әмтн цуглрсн һазрт Би Тана цаһан санана тускар зәңглхв.