Read kalabari Күндтә умшачнр! 10 Bible Online

Күндтә умшачнр! 10 - kalabari bible

Күндтә умшачнр! 10

¹Соломона келсн цецн селвгүд. Цецн көвүн эцкән байрлулна, һәргтә көвүн экән зована.

²Үнн бишәр олсн олз-ору олз болдго. Болв буйнта керг күцәсн күн үкләс гетлгднә.

³Деед Эзн үннч әмтиг харһнулшго, килмҗән өгнә, ховдг хар саната әмтнд юм өгхш.

⁴Хуурмг һар хоосрулна, көдлмшч һар байҗулна.

⁵Зунар урһц хурадг күн ухата, зунар урһцан хуралго унтад кевтдг күн нерән һутаҗана.

⁶Цаһан саната күүнд Деед Эзн евәл өгнә, хар саната әмтнә үгнь — хорна булг.

⁷Сән күүнә тускар санхларн, сәәнинь тодлна, му күүнә туск санл билрх.

⁸Цецн күн зүркәрн зааврмуд авна, һәргтә күн келсәрн бийдән зовлң авна.

⁹Үннч күүнд шалтан уга, худлч күн худлдан бәргдх.

¹⁰Чирмәд темдг өггдхлә — меклснә темдг, һәргтә күн келсәрн бийдән зовлң авна.

¹¹Үннч күүнә үг — җирһлин булг, хар саната әмтнә үг — хорна булг.

¹²Кемр дурн уга болхла, цүүгән болх, дурн цуг ө-һундл мартулна.

¹³Цецн күүнә амнь алтн, һәргтә күүнә цогцнь шавта.

¹⁴Цецн күн медрлән хадһлна, һәргтә күүнә келн үклд күргнә.

¹⁵Байн күн өлг-эдән шивәнь гиҗ санҗана, угатя күн угадан хоосрна.

¹⁶Цаһан саната күн күч-көлснә ашарн җирһлтә, хар саната күүнә гиигн ору килнцд орулна.

¹⁷Сән сурһмҗ хадһлсн күн, сән җирһлин хаалһд һарна, шоодврас зулснь — эндүрнә.

¹⁸Худл үг өшә нууна, хов зөөдг күн һәргтә.

¹⁹Олн үг келсн күн килнц чигн һарһад оркх, үгин ахрнь серлтә болдг.

²⁰Үннч күүнә келнь — йилһсн цаһан мөңгн, хар саната күүнә зүркн кедү күрдв?

²¹Үннч күүнә үгнь олыг харсна, һәрг һәргәсн үклән олна.

²²Деед Эзнә евәл йосндан чамаг байҗах, Терүнлә чи дәкҗ зовлң медшгоч.

²³Һәргтә күн хар санаһарн бахан хаңһана, цецн күн ухаһарн кишгтә болна.

²⁴Деед Эзн хар саната әмтнә әәсинь күцәх, цаһан саната күүнә сансинь күцәх.

²⁵Хар саната күн, салькнд цокгдснла әдл, нисх, үннч күн мөңкинд ормдан бәәх.

²⁶Залху күүг бичә зар: эс гихлә, һашун юмн амнд тусснла әдл. Тиим күүнә нүднднь зуухин утан орсн мет болх.

²⁷Деед Эзиг күндлсн күн ут нас наслх, му саната күн мел насан барх.

²⁸Цаһан саната күүнд иткл байр өгнә, хар саната әмтнә иткл чинр уга.

²⁹Цаһан саната улсиг Деед Эзн харсна, му саната улсиг цокна.

³⁰Үннч күн әәмшг угаһар эврә һазр деер бәәҗ чадх, хар саната күн тенд бәәҗ чадшго.

³¹Үннч күн цецн үгтә, мууһан хальдадг күүнә келнь керчгдх.

³²Үннч күүнә селвг әмтнд туста, болв хар саната күүнә келснәс олз уга.