Read kalabari Күндтә умшачнр! 12 Bible Online

Күндтә умшачнр! 12 - kalabari bible

Күндтә умшачнр! 12

¹Медрлд дуртань — сурһмҗд дурта. Шоодврт дургонь эргү күн.

²Цаһан саната күн Деед Эзнәс әдс авна, хорта күүг Бурхн засглх.

³Һалзу күн һазр деер бәәҗ чадшго, үннч әмтнә уңгнь хумхардго.

⁴Цаһан седклтә гергн — залуһин бахмҗ, ичр уга гергн — яснаннь көгҗ.

⁵Үннч күн чик юмна тускар ухална, хар саната күн хорта йовдл һарһхар седнә.

⁶Хар саната күн үгәрн цус асххар седнә, үнәр келдгнь зовлңгас аврна.

⁷Хар саната күн муурхларн — тер уга болна, зуг цаһан саната күүнә уңг-тохмнь бат болх.

⁸Ухата үг келсн күүг туурулх, буру санан ичәх.

⁹Умш өдмг угаһар бәәһәд бийән деер санснас, эгл бәәдләр бәәһәд һарарн көдлмш кесн деер.

¹⁰Цаһан саната күн малан чигн әрвлнә, ичр уга күүнә хәәрлт догшн йовдлас дор.

¹¹Һазр эд-бод кесн күн цадхлң болх, болв эргү күн хоосн юм көөлднә.

¹²Хар саната күн хар санаһан күртәхәр седнә, болв үннч күүнә улнь бат.

¹³Хар саната күн мектә үгәрн бәргднә, цаһан саната күн зовлңгас гетлгднә.

¹⁴Сән үг келсндән күн сән аш хоршана, кесн-күцәснь терүнд ачлврар хәрү ирх.

¹⁵Муңхг күн эврә хаалһан чик гиҗ тоолна, цецн күн селвг соңсна.

¹⁶Һәргтә күн ууран илднь үзүлнә, болв ухата күн му келсиг соңсхш.

¹⁷Үнн седклтә күүнә үгнь иткмҗтә, худлчин үгнь хар саната болна.

¹⁸Бурмха күүнә келсн үг үлд мет шавтана, цецн күүнә келсн үгнь эдгәнә.

¹⁹Ухата күүнә келсн үг мөңкрнә, худлчин келснь шулун мартгдна.

²⁰Һалзу күүнә зүркнд хар санан, ээлтә күүнә зүркнд байр.

²¹Цаһан саната күүнлә му йовдл учршго, хар саната күүг хорнь дүүргнә.

²²Худл үг Деед Эзнд җигшүртә, болв үннч күн терүнд тааста.

²³Тоолврта күн медрлән нууна, һәргтә күн һәргән илднь медүлнә.

²⁴Һавшун һар олыг һардҗ чадх, хуурмг һар күнд көдлмшт даргдх.

²⁵Үүмәд бәәхлә, күүнә зүркн зовна, сән үг байрлулна.

²⁶Үннч күн өөрхн әмтндән хаалһинь заана, хар саната әмтнә хаалһнь төөрүлнә.

²⁷Хуурмг күн олвран үзш уга, болв кинән күн байн, цадхлң.

²⁸Үннә хаалһ — җирһл, хаҗисн хаалһ үклд күргнә.