Read kalabari Күндтә умшачнр! 15 Bible Online

Күндтә умшачнр! 15 - kalabari bible

Күндтә умшачнр! 15

¹Җөөләр өгсн хәрү уур дарна, шүрүтә үгәс һалзурлт босна.

²Цецн күүнә келн медрлинь ясрулна, һәргтә күүнә амнас му үг һарна.

³Деед Эзнә нүдн цугинь үзнә, хар санатаһинь чигн, цаһан санатаһинь чигн үзнә.

⁴Ээлтә үг — җирһл батлна, худлч келн седкл күүлнә.

⁵Муңхг күн эцкин сурһмҗ басна, болв эцкин шоодвр соңсснь — ухата болх.

⁶Үннч күүнә герт дала зөөр бәәнә, чик санан уга күүнә олзнь тус уга.

⁷Цецн күүнә келнәс медрл тарна, муңхг әмтн тиигхш.

⁸Чик санан уга әмтнә бәрц Деед Эзнд җигшүртә, үнн седклтә әмтнә Бурхнд мөрглһн Терүнд тааста.

⁹Чик санан уга әмтнә хаалһ Деед Эзнд җигшүртә. Цецнәр бәәхәр седҗәх күүнд Тер дурта.

¹⁰Хаалһасн хаҗисн күн догшар засглгдх, шоодврт дурго күн алгдх.

¹¹үклин һазр Деед Эзнә үлмәд — тедү мет күүнә зүркн.

¹²Ичр уга күн шоодврт дурго, тиим күн ухата әмтн дунд торшго.

¹³Зүркн байрлхла — чирә герлтнә. Гейүрсн зүркн седкл күүлнә.

¹⁴Серлтә зүркн медрл хәәнә, муңхг күн һәргәрн тетквр кенә.

¹⁵Угатя күүнд өдр болһнь күчр-күнд, кишгтә күүнд өдр болһнь чилшго нәр.

¹⁶Зөөр хураһад, чичрҗ бәәснәс, баһ тетквртә бәәһәд Деед Эзиг күндлсн деер.

¹⁷Тарһн бүрүһин мах дурго болҗ идсн дорхнь, темсәр кесн хотыг дурлҗ идсн деер.

¹⁸Уурта күн цүүгә цацна, тесвртә күн өшә зогсана.

¹⁹Хуурмг күүнә хаалһ хатханчгар бүтнә, үнн седклтәнь у-өргн хаалһар йовна.

²⁰Цецн көвүн эцкән байрлулна, һәргтә көвүн экән һутана.

²¹Ухан тату күн һәргәрн бийән аадрулна, ухата күн һоодан йовна.

²²Селвгчнр уга болхла — кеҗәх кергт күцәмҗ уга, кемр селвгчнр олн болхла — цугнь күцх.

²³Кемр хәрү өгч чадхла — байрта. Төвәр келсн үг ямаран сәәхн!

²⁴Серлтә күн удандан бәәхәр деегшән өөдлнә, үкләс хооран йовна.

²⁵Деегүр әмтнә гериг Деед Эзн уга кех, болв белвсн күүкд күүнә бәәриг харсх.

²⁶Хар санан Деед Эзнд җигшүртә, Терүнд күргсн сән үг таалта.

²⁷Олзд дурта күн зовлң авчана, авлһд дурго күн удан әмд йовх.

²⁸Үннч күүнә зүркн хәрүһинь келҗ өгх, чик санан уга күн хортаһар келнә.

²⁹Деед Эзн чик санан уга күүнәс холд йовна, болв үннч күүнә мөргүл соңсна.

³⁰Цевр хәләц зүрк байрлулна, сән зәңг эрүл-мендинь батлна.

³¹Туста шоодвр авчах күн цецн әмтнәс салшго юмн.

³²Сурһмҗ бурушасн күн — бийән зовах, шоодвриг медсн күн уха авх.

³³Деед Эзнәс әәхлә, цецн болдг дасх, номһн бәәдләс туурмҗ эклнә.