Read kalabari Күндтә умшачнр! 27 Bible Online

Күндтә умшачнр! 27 - kalabari bible

Күндтә умшачнр! 27

¹Маңһдурк өдрәрн бичә бардмн, ю авч ирхинь чи медҗәхшич.

²Эврән бийән биш, талдан күн буульг, чини биш, талдан күүнә келн буульг.

³Чолун күнд, элсн гиигн биш, болв һәргин һарһдг ааль хойраһаснь күнд.

⁴Цухл догшн, ур аврлт уга, болв үлү үзлһнд кен эс авлгдхмб?

⁵Илднь келсн күн тагчг бәәсн иньгәс деер.

⁶Дурта күн цевр седкләсн өвдкәнә, хар саната күн зуһудад үмснә.

⁷Цадхлң күн зөөгин гер ишкәд үрәх, өлсҗәх күүнд һашун юмн әмтәхн болх.

⁸Төрсн һазран үлдәсн күн, үүрәсн нисҗ һарсн шовунла әдл.

⁹Сәәхн үнртә тосн болн күҗин үнр зүркнд байр үүдәнә, тедү мет седкләсн өгсн иньгин селвг сән.

¹⁰Бийиннь иньгүдән чигн, эцкиннь иньгүдиг чигн бичә март; зовлң үзгдхлә — төрлмүд талан бичә од: холд бәәх ахас, хоша бәәх әмтн деер.

¹¹Көвүн минь, ухата бол, зүрким байрлул, тегәд би деерлксн әмтнд хәрүһинь өгч чадхв.

¹²Ухата күн кемр зовлң үзхләрн зулх, дамшлт уга әмтн һоодан йовад шалтанла харһх.

¹³Талдан күүнә төр бийдән авснь — хувцан бәрүлх, күүнә гергнә төлә бас тиим юм бәрүллһн кегдх.

¹⁴Өрүн өрләһәс авн хоша бәәх күүг хәәкрәд йөрәсн — харал тәвснлә әдл.

¹⁵Керүлч гергн бората өдрт орсн хурла әдл.

¹⁶Терүг хөрсн — сальк бәрснлә әдл, эс гихлә, альхндан тос атхснла әдл.

¹⁷Төмр төмрәр хурцгддг, күн — талдан әмтәр.

¹⁸Темснә мод асрсн күн — терүнә темс иддг, бийиннь ахлачан хәләсн күн ачлврта болдг.

¹⁹Уснд чирә үзгдснлә әдләр, тедү мет күн оңгдан күүг эврәннь зүркәрн медх.

²⁰үклин һазр хандго, түүшң күүнә нүдн хандго.

²¹Цаһан мөңгиг болн алтыг һалар цеврлнә, тиигҗ күүнә нерн цеврлгднә.

²²Кемр һәргиг буудяла хамдан савд нүдв чигн, терүнәс һәргинь һарһҗ болшго.

²³Эврәннь хөөдин тооһинь мед, хош малдан килмҗән өг;

²⁴юңгад гихлә, ямаран чигн көрң мөңк биш, хаана бәрҗәсн йосн хөөт үйнрт зәрмдән өггдго.

²⁵Болв өвсн хумхархла, шин ноһан урһна, уулын белд урһсн өвсн хадгдва;

²⁶хөөнәс чамд хувцн авгдх, яман мал һазрин ялд өггдх,

²⁷ямана үсн икәр өггдх, тернь чамд болн чини өрк-бүлд хот болх, чини зарцнр цадхлң бәәх.