Read kalabari Күндтә умшачнр! 5 Bible Online

Күндтә умшачнр! 5 - kalabari bible

Күндтә умшачнр! 5

¹Көвүн минь, мини цецн үг соңсич, мини сурһмҗд оньган өг —

²хурц ухаһан үзүлдгәр, чини медрлиг келснчнь хадһлдгар.

³Күүнә гергнә келн бал мет әмтәхн болдг, келсн үгнь тосн мет һооҗад бәәдг —

⁴тернь шарлҗна һашун амтта болх, үлдин үзүр мет хурц болх.

⁵Терүнә хаалһнь үклин һазр тал көтлҗәнә, терүнә ишкдлнь үклин һазр тал һарчана.

⁶Җирһлин хаалһин тускар тер ухалҗ бәәхш, хаалһнь тогтун бишинь бийнь медҗәхш,

⁷тегәд намаг соңслт, күүкдм, мини үгд оньган өгтн.

⁸Тиим гергнәс холд йовтн, үүдн талнь бичә өөрдтн,

⁹эс гихлә, чини зөөр күүнә әмтнд күртх, өр-өвч биш күүнә төлә эврә җирһлән барулхич;

¹⁰чини күчиг талдан әмтн эдлх, чини килмҗ күүнә герт тусх.

¹¹Чини цогц-махмуд урсад хагсхлаг, җирһлиннь чилгчд чи түңшхич:

¹²«Яһад би сурһмҗ һолсмби, — гиҗ тиигхләрн келхич, — шоодсиг зүркм бурушадг бәәсмби?

¹³Яһад би багшнран эс соңссмби, сурһмҗлачнрин келснд оньган өглго бәәсмби?

¹⁴Бас нег ишкдл кехлә, намаг олн-әмтнә хурсн һазрт, цуг келн-улсин нүүрт ичәх».

¹⁵Эврә нуурас ус у, эврәннь худгас ус ав.

¹⁶Яһад чини усн һаза асхрхмби, талвң деерәһәр гүүхмби?

¹⁷Терүгән һанцхн бийдән үлдә, күүнә әмтнлә бичә хувалц.

¹⁸Чини булг өлзәтә болтха, чини баахн цага гергн байр үүдәтхә.

¹⁹Буһин өңгтә адусн мет болн хәәртә хурһн болсн, ке сәәхн иньг — тер чамаг кезә чигн үсәрн цадхх. Терүнд туссн дурн тасрлт уга чамаг авлна.

²⁰Көвүн минь, ю хәәҗ күүнә гергнд седклән тәвхмби, залута гергнә цогц теврхмби?

²¹Бийән бәрх күүнә бәәдл Деед Эзнд кевтән темдгтә, күүнә хаалһсиг цугтаһинь Тер меднә.

²²Ичр уга күн эврәннь хар саната гөлмдән бәргднә, эврәннь килнцдән орагдна.

²³Сурһмҗан авлго тер үкх, давҗ һәрглсн йовдлдан хаалһасн хаҗих.